السلام عليكم ..
 أول شيء أشكر كل الي ردوا على الموضوع السابق شبكة الضرب
واعتذر عن عدم الرد لاني يوم جيت من مكة لقيت الرد مغلق
-----------------------------
ندخل في الموضوع
من مدة بسيطة راسلت بعض الأشخاص اللي تعرفت عليهم في استراليا
وكلهم يسلمون عليكم واحد واحد <----------- لا يكثر بس
المهم أنا ولأني أتكلم الانجليزية بطلاقة لدرجة أنهم كانوا بيخلوني مدرس عندهم :)
بس أنا عييت قلت أبي مدرستي أزين من ديرتكم الي ما تعرف العج والغبار
تصدقون مدري وشلون يعيشون بدون عج
تجلس هناك شهر شهرين ثلاثة ولا تشم ريحة غبار
مساكين
المهم مالكم بالطويلة
قررت أني ارسل لهم صور من الديرة الي كنت فيها وأسمها
Cairns
ديرة صغيرة جداً وبعد ما تغيب الشمس كل المحلات تصك !!
الا النايت ماركت وكله مطاعم ومحلات مش كويسة
طبعاً عشان ما تحقرون هالديرة هي مصنفة عالميا كثاني أحسن مدينة سياحية
والسبب الريف أو الشعب المرجانية الي فيها شي خيالي
وهي موطن السمكه نيمو

والآن مع الصور

-  1 -
صورة ليلية لكورنيش كينز أو اللاقون زي ما يسمونه
فيه ممشى خشبي رائع وجلسات و شوايات بالكهرب

-  2  -
كن كالنخيل عن الأحقاد مرتفعا *** ترمى بصخرٍ وتلقي أطيب الثمر
لكن نخلهم لا فود ولا زود

-  3  -
تذكرون الممشى الخشبي الي قلت لكم عنه قبل شوي
هذولي عيالهم قاعدين يشوفون وش الي تحته
لقافة

-  4  -
هذا راعي ملحق  بيحط وجار( مشب)
وغفل شوي ما درى إلا الصعيدي مقومها عمارة كاملة :)

- 5 -
فيه ناس تنظر للمستقبل كنها تعيش للأبد
وناس مقيدهم أن الدنيا فانية وبكرى بنموت ولا تسوى نسوي فيها شي
والصحيح مثل ما قال عمر بن الخطاب رضي الله عنه
اعمل لدنياك كأنك تعيش أبداً
واعمل لآخرتك كأنك تموت غد

هذا ما عندي وزي ما تشوفون الصور قليلة
بس عشان ما أثقل عليكم

Majed Al Manea