تخيل صباح كله غيم والجو بارد
وتمسك كوب الكافي بيدينك
والبخار أممم يمر قدامك وتشمه
وتشرب شوي ... وتسمع الاماكن ..

صباح أعضاء
قروب أبونواف
و
أبو نواف شخصي

 أحلى من هذا الصباح
والف مبروك التحديثات الجديده
جد شي رائع ومميز
ماشاء الله تبارك الله
ومن تقدم الى أخر

:: العــــــــــــــــــــــــــــــــــــــــــــاده ::

صراحه من الامور السياحية لاي دوله ازورها
أنو لازم أزور مسرحها . حتى لو كانت زيارة عمل
احاول أختلق لو ساعه أزور المسرح .

:: الفــــــــــــــــــــــكره من هذا الــــــــــــــــــــــموضوع ::

الاختلاف ..
يعني المسارح الخليجيه والعربية
الي زرتها سواء زياره أو مهرجانات مسرحية
ماكان فيه ذاك الاختلاف عن مسرحنا السعودي
يمكن أكثر تطور لكن تشابه كبير في الافكار والرتم العام
مع أختلاف المسرح الكويتي والمصري سابقنا بمراحل .
لكن بالنسبه لي أول مره أزور مسرح أروبي .. حتى وأن كانت
مدينة كبك في كندا .. لكن تعتبر فرنسيه بنسبه كبيره جدا .
فحبيت أنو تعيشو معي الحدث .

:: القــــــــــــــــــــــصــــــــــــــــــــــه ::

قبل سنه وشوي  تقريبا كنت في دورة
في مدينة كبك ( اللغه الرسميه فرنسي )
في كندا ..
وأبد الجو ما كان 10 تحت الصفر وأنت ماشي
داري تقولو توك تنزل الموضوع

المهم
وأنا في البريك جالس أسولف مع المدرب
قلت عندكم مسرح هنا في كبك
قال قصدك سنما
قلت مسرح يا مال العافيه
قال أها .. ثواني وراح جاب لي جريده
وقال العاده أنهم يحطون أعلانات هنا
وفعلا زي ما تشوفو في الجريده
كان في أعلان . ..

قلت سنايدي يا الذيب .. قصدي يا الوووووولف
قال تعال معي
قلت وش عندك لا تتحمس ما بأروح الحين
قال بأتصل عليهم نستفسر .
أتصل عليهم ويبرقط بالفرنسي
قالو أنو كل يوم الى يوم السبت الجاي هو أخر يوم
وراح يفتح المسرح
الساعه عشره الصباح تقدر تجي تقطع تذكره . والعرض الساعه أربعه العصر
قلت له حلوووو ...
أروح السبت لانو بقية الايام ضغططططط عنيف علشان الدوره

::: صبــــــــــــــــــــــاح الــــــــــــــــــــــسبت :::

المهم السبت الاجازه قمت الصباح أنوااع البرد
بس برد لذذذذذذذيذ .. <-- أصلا وقت الشتى يشغل المكيف البارد
يمكن وقتها 6 تحت الصفر بس مافي امل تمرض وجو لذيذ فعلا

المهم رحت أفطرت فول <-- خربها
أفطرت عند مطعم عندهم يسوي بانكيك شي عجيييييب
وجلست أتمشى رجليه أمر على محلات أشتري هدايا
يعني ماخذها تمشيه للمسرح مع الكافي والجو البارد
لين وصلت المسرح
حول الساعه عشره ونص

وأحصل المسرح مقفل

يا نهاااار مش فااااايت
يا نهاااار منيل بنيله
يا نهاااار اسود منأط بكحلي 
تحسون أنه في شوارع القاهره على ذا الكلام

وأقرى مكتوب يفتح المسرح الساعه 12
والجو باااااااارد ومشوار على بال ما أرجع الفندق
ومواعد الشباب الي معي  بعد الساعه 12 الضهر نروح نتغدى سوى
والله النشبه وأببببببببد أذاني وخشمي ماسارت طماط

شوووووووي وتطلع وحده يعني أممم عمرها في 45
قلت الله جاااااابك يا الاجوديه هذا عقالي عندك قصدي جاكيتي
قالت وش تبا يا رجال
قلت العشى عندنا قولي تم <-- وش يبي ذا
قلت لها قالو لي في التلفون بيفتحون الساعه 10
قالت  أيه عشره نداوم لكن 12 نفتح مكان التذاكر
بس أقولك تعال معي
قلت   وش دعوه ما اتفقنا على تري القطو ياكل عشاي
وتخششني من باب ثاني وأنواع المشوره
قالت هذا مكتبي
قلت في نفسي هههه بشري أمك وين مكان التذاكر ولا يكثر <-- أبد مو سعودي
لين وصلتني عند الي يقطعون التذاكر
قالت لهم هذا واسطه هههه أقطعو له تذكره
قالو أوووكي تم ..

:: قــــــــــــــــــــــص الــــــــــــــــــــــتذاكر ::

الي في الكاشير
قالت فنشغو بنغشي غسبغيشا
قلت أقدع ناس
أحم أحم صديق صديق أنا مافي معلوم فرنسي أنا معلوم أنقليزي
قالت اهااا بس يا أبو الشباب ترى المسرحية بالفرنسي ميه بالميه
قلت لها .. عااااارف يا مال الصمخ
أنا جيت أبي أشوف الثقافه المسرحية الكنديه
أبي أشوف تمثيل وحركات الممثلين على المسرح
الجمل الاخراجيه الموجوده .. الجمهور وتفاعلهم ووو

قالت حلوو صراحه أول مره يجينا أحد مثلك
أنت من وين
قلت من السعوديه
هههه الزبده جلست نص ساعه أوصف لها
وأرسم لها على ورقه
عرفت مصر والعراق وتركيا والامارات وكل شوي أقول أيوووه حنا الدوله الي جمبها
وبرضو ماااااااااااااا عرفت السعوديه
في الاخير
قلت لها حنى المصدر الرئيسي
للبترول في العالم
قالت أهاااااااااااااااااااااا قصدك ( عربي سعودي )
لان اللغه الفرنسيه يكون فيها قلب للأسم
قلت أيوووه وصلتي خير .
ووقتها أبد ما تجدد الاحساس
بأننا دوله خاليه من المنجزات
قلت أحجزي لي مقعد وخليه في المقدمه
قالت تمزح انت وخشتك مافي غير مقعدين في الطرف
قلت هاتي لو أتفرج واقف .
وقطعت التذكرة

بــــ 37 دولار كندي

::: قــــــــــــــــــــــبل العــــــــــــــــــــــرض :::

::: أثنــــــــــــــــــــــاء العــــــــــــــــــــــرض :::

:: قصة المسرحية :::

فيه نبذه عن المسرحية باللغه لانجليزيه في البروشور
بس ما قريتها قلت هل أقدر افهم المسرحية من الوضع العام
والحمد لله فهمتها بشكل عام من اللوحات الاخراجيه الي كانت موجوده

نقدر نقول عنها كلاسيكيه عن حقبه قديمه
توجهها تراجيدي فيها بعض الاسقاطات
والافيهات الخفيفه جدا ههه شخصيا ما فهمتها لكن الجمهور يضحك عليه ويصفق
وتوضح تسلط رجال الدين المحسوبين على الدين مع زمره من الوزراء
على الوضع العام
ويسير فيه أنقلاب وتسير فيه خيانات
وتتمحور حول مرأه هي الي قادة الانقلاب .

::: الديكور :::

 التشابه كبير جدا في انو الديكور يكون سنبل ومباشر
مافيه تكلف .. خاصه في المسرحيات الموجهه للكبار
لان الديكور العاده يكون عباره عن رمز لوضع معين
أو حاله يمر بها ممثل وعلشان يتبروز دور الديكور لازم المخرج
يعرف كيف يخلي حركة الممثل تدعم وجود هذا الديكور
ولو جينا لصراحه

في مسرحنا .
صحيح فيه فن حلو وجميل بالنسبه للاضاءة
وفيه أفكار كثيره
لكن العيب صراحه في المسرح نفسه
امكانيات مسارحنا ضعيفه من ناحية الاضائه .. يعني أذكر مسرح الجامعه
ومسرح مركز الملك فهد الثقافي .. هي أفضل المسارح الي مثلت فيها
وكانت الاضائه فيها أمكانيات لا بأس فيها . وتقدر تسوي شي بالنسبه للاضاءه
لكن غيرها تجبر على جعل المسرحيه فل لايت 

في مسرحنا

::: مقــــــــــــــــــــــــــــــــــــــــاطع ::::