السلام عليكم ورحمة الله وبركاته
حياكم الله من أبو نواف إلى آخر عضو اشترك في القروب وطبعاً لا أنسى العزيز سوالف القايلة الله يوفقه
وأعتذر أشد الاعتذار عن قلة المشاركات في الفترة الماضية ، ترى خويكم أبو ناصر كبر وشابت لحيته وما عاد عنده ذيك الفضاوة مثل أول ، فالعذر والسموحة
وهذا مهوب معناه إني أبنقطع عن المشاركة ، لأني ما أقدر يديني تحكني ، لكن ستكون هناك بإذن الله مشاركات في فترات متقطعة ، لأن القروب وصاحب القروب واللي دلني على القروب لهم معزة خاصة في قلبي
عسى الله يوفقهم

صورة حديثة لابو ناصر

منوعات خفيفة عربون محبة

فيديو
1
الغراب الذهين
يا عنك إن ذا الغراب أذهن من بعض الناس
اضغط هنا

===

2
تجديف آآآآخر موديل
اضغط هنا

===

صوت
1
هذا واحد سمع قصيدة الشيباني المشهورة اللي قالها عند الوليد وقال يا ولد وش ناقصني وسوى قصيدة على نفس القافية
اضغط هنا

===

2
مقلعين
اضغط هنا

تنويه مهم يخصني

أمس القريب قاعد أبربس في واحد من محركات البحث المهم قلت يا ولد حط اسمك وشف وش يصير .... طلعت لي نتائج مهيب كثير لكن اللي خلاني أتعجب إني لقيت اسمي في منتدى ما عمري طبيته!!! واللي قاهرني إن أبو الشباب حاط نفس صورتي الرمزية اللي أستعملها في الرسائل وهي ذي

وشغال مشاركات وردود ومواضيع ، والعالم ترد عليه ويرد عليهم

!!!!!

شوفوا لقطة من المنتدى

وأنا من قروب أبو نواف أوجه رسالة لذلك الشخص

 وأقول له

يا أخي أنت ما تستحي على وجهك
ضاقت اللغة العربية والانجليزية ما لقيت إلا اسمي
خلصت الصور ما لقيت إلا صورتي تحطها تحت اسمك المسروق
!!!!
صراحة تصرف غريب يدل على نقصك

لذا
أبو ناصر الاطخم يحب أن ينوه بأنه لا يكتب في أي منتدى بهذا الاسم
ومشاركاتي السابقة في المنتديات كانت في المنتديات التالية فقط
مجالس أبو نواف
منتدى ذبذبات
منتدى عرق الاثلة ـ براطم

واخوكم أبو ناصر لم يعد يكتب في أي منتدى بهذا الاسم ومشاركاتي ستكون مقتصرة على قروبنا المتميز قروب أبو نواف

طيب وراك مزعجنا أنت وخشتك يا ابو ناصر من زينك ومن زين مشاركاتك
والجواب يكفي إني عُرِفت من خلال موقع أبو نواف وكونت معارف طيبة وكنت أحرص أن تكون مشاركاتي مميزة قدر الإمكان وأخاف أن ذلك الشخص الحرامي يكتب شي غير طيب وتكون ردة الفعل على أخوكم غير طيبة

أخوكم
أبو ناصر الاطخم