الاعزاء أعضاء مجموعة أبو نواف البريدية

السلام عليكم ورحمة الله وبركاته ، كما وعدتكم ستكون أغلب رسائلي عن الإنترنت و التقنية ( كأني اسمع واحد يقول منهو أنت؟ ما نعرفك) هههههه ، عموماً اليوم جايب لكم شوية إختراعات خفيفة وظريفة .
وبمناسبة الحديث عن الإختراعات سمعت مرة الشيخ سلمان العودة (حفظه الله)  يقول في برنامجة الذي يعرض على ام بي اسي وكان يتحدث عن الشباب ودعم الشباب .. يقول أن عدد الإختراعات المسجلة براءة إختراع لها في هونغ كونغ بلغ 20 ألف إختراع ... بينما عدد الإختراعات المسجلة في دول الخليج العربي ( ست دول) بلغ 8 إختراعات فقط .. فشوفوا الفرق الرهيب .. طبعاً ما راح ندخل في الأسباب وليش ولماذ .. اكيد كلكم تعرفون الأسباب ...

والحين أتركم مع اطرف وأظرف عشرة إختراعات:

DVD Rewinder
مدور الدي في دي

إختراع وضيفته تشغيل الدي في دي بشكل عكسي .. يعني تسمع الصوت بالمقلوب .. فيه ناس يحتاجون هذه الأشياء لعمل مؤثرات خاصة وجميله .. وفيه ناس يستخدمونه لأنهم فاضين.

Driv-e-mocion
مزاج السواق

هذا عبارة عن لمبه أو لوحة تضعها في الزجاج  الخلفي لسيارتك ويطلع فيها كلام مبرمج أنت تختارة وأنت قاعد في مكانك من خلال أزرار معينة  وتعبر من خلال كلمات معينة عن مزاجك للسائق اللي خلفك .. يعني لو سوى حركة حلوة لك تكتب له شكراً وإذا سوى شيء مو زين تكتب له كلمة ثانية حسب الكلام اللي انت مبرمجة مسبقاً ..
والله من واحد يبي يحط رقم جوالة وإلامسنجره لا مرت سيارة عائلة ولع اللمبة هههههههههههه

Head Bath Cap
غطاء إستحمام للراس

هذا إختراع علشان تخلي راسك يسبح في الماء لساعات .. يعني كأنه في بانيوم .. تعبيها ماء وتركبها فوق راسك وتتركها  قد ما تبي ...

Toilet Paper Dispenser with iPod Dock
حامل ورق حمام ( الله يعزكم ) مع اي بود

هذا للمجانين اللي ما يقدر يبعد عن جهاز الأي بود ... يقدر ياخذه معه وين ما راح حتى للـ ...........

Bra That Doubles As Shopping Bag
سنتيان يمكن تحويلة لكيس تسوق

سنتيان ( صح الإسم تراي ما أدري << بريء ) المهم .. سنتيان يمكن تحويله ليصبح كيس تسوق .. صراحة الإختراعات الباقية تهون عند الأختراع هذا .. كيف الوحده تنزل السنتيان وتحوله لكيس تسوق .. لا وإذا خلصت ترجعه سنتيان وتلبسه مرة ثانية .. راح فيها الزوج ههههههههههه  << وش قصدك

Nap Alarm
منبة للقيلولة السريعة

الإختراع هذا أعجبني جداً .. منبه صغير جداً على شكل سماعة للأذن توقته على ساعة معينة وتنام .. يصلح للي ينامون في السفر.. أيظاً  لبعض الموظفين اللي ينام على مكتبه ويخاف تروح عليه نومه. هههههه

360-Degree Camera
كاميرا تشوف 360 درجة

هذي كاميرا تصور بزاوية كاملة 360 درجة ... يعني تصور بكل كاميرا من اللي فوق راسك صورة واحد تروح تجمعهن على الجهاز وتطلع عندك صورة بأبعاد كاملة.

USB-Powered Cooler
مبرد بإستخدام اليو اس بي

هذا جهاز يبرد لك الكرسي اللي أنت قاعد عليه بدون كهرباء .. بإستخام منفذ USB عادي .. يصلح والله لاجواءنا خصوصاً فصل الصيف على الأبواب ...

Tie With Built-in Wallet/Organizer
ربطة عنق على محفطة نقوم على منظم مواعيد

الإختراع عبارة عن ربطة عنق إذا قلبتها تلقى محفظة ومنظم مواعيد ومكان لبطاقات الصراف والفيزا..
يصلح هذا الإختراع يصلح لأخواننا العرب وإلا حنا يالخليجيين ما ينفعنا إلا إذا فيه واحد يبي يسرق الفكرة ويركبها على الشماغ .. بس مشكلة إذا نسفت الشماغ تبي تشخص طاحت كل فلوسك ههههههههههه ..

USB BBQ
فرامة يو اس بي

والله ما أدري منهو اللي يبي يتسخدم هالإختراع لكن يالله نجيبة لكم علشان  نكمل عشرة إختراعات ..
الإختراع عبارة عن فرامة لحم تعمل بدون كهرباء  تشبكها على اليو اس بي وتفرم .. وللمعلومية للي حابب يجيب الإختراع تبي تحتاج إلى أكثر من 40 منفذ يو اس بي حتى تشغل الجهاز.

أتمنى الرسالة تكون أعجبتكم .. واستمعتم بها الإختراعات ..
وأحب أضيف أن هذه الأختراعات حقيقية وموجودة تباع على الإنترنت لمن أراد أن يشتري شيء منها ..

اخوكم: سعد الحربي
مافية أحد يتصدق علي ويسوي لي توقيع للقروب
مدونتي