بسم الله الرحمن الرحيم

اليوم جايب لكم موقع بإذن الله راح يغنيكم عن برامج تحويل انساق الصور وتحويل أنساق ملفات الورد وتحويل انساق المصوت وتحويل انساق الفديو.
( يعني موقع سبع صنايع - بتاع كله )
ما أطول عليكم واخليكم مع الموقع ونقول بسم الله ونفتح الموقع

zamzar.com

راح أقدم لكم شرح لطريقة التحويل عن طريق الموقع أضافة لشرح الصور:
الخطوة الاولى: كل ماعليك هو تحديد موقع او الرابط الي فيه الملف الذي ترغب بتحويله حيث مسموح لك أقصى حد للملف يكون 100 ميقابايت.

الخطوة الثانية: تحديد نوع الملف الذي ترغب في تحويله حيث يوجد هنا تحويل لجميع الانساق التي ترغبها مثل:

(أنساق الصور)

(أنساق المستندات)

(أنساق الصوت)

(أنساق الفديو)

الخطوة الثالثة: كل ماعليك الأن وضع الايميل الخاص بك لكي تستقبل الملف الذي ترغب بتحويله عن طريق الايميل.

الخطوة الرابعه: أضغط على (Convert) للموافقة على الشروط والبداء بالتحويل وبكذا نقول ريح يا كمبيوتر من برامج التحويل وباي باي يا تحويل.
ملاحظة: ذمتي وقروب أبو نواف ما نشيل بذمتنا أستخدام هذا الموقع في الأمور الي ما ترضي رب العالمين والله وليه وهو القدر عليه وتمنياتي للجميع بالفائده والمتعه مع قروب أبو نواف.

قاعة الامتحان

خلي العنوان أحمر لجل هالوقت من السنه دموي بالنسبه للطلاب الله يعينهم ويكتب لهم الي فيه خير وصالح اليوم جايب بعض النصائح للمدرسين وهي طرق بسيطه للمراقبه على الطلاب لجل ما يغشون ننطلق مع اول الدروس.
الطريقة الأولى: أول شيء جب معك نبيطه أحتياط يعني لو شف غش جاي من براء طيران يكون معك وقت تصيده ولا تلحق عليه قبل يوصل للطلاب أسرع وأريح لك من إنك تقوم من الطاوله.

الطريقة الثانية: وهي للمدرسين قصار القامه أحتياطاً جيب مع مثل الي مع الصورة لان مثلك عارف أحيان طاولات الفصول مثل الاصابع فيهم القصيره وفيهم الطويله ومن باب الاحتياط تابع الشكل (6-2) في الصفحه التاليه  .. امزح شف الصورة الجايه.

الطريقة الثالثة: تصلح للمدرسين الي يعطون فرصه بس مو على حساب راحتهم ومستقبلهم الوظيفي يعني راقب وأنت تاخذ لك غفوه ساعه اما اذا أختبار رياضيات ولا مواد ثانيه بتشبع نوم.

الطريقة الرابعة: عاد هالمره بقدمها للطلاب عشان ما يزعلون علي هالطريقة يا طلاب وطالبات <--- بسبب هالطريقة باخذ عموله من محلات الحيوانات الطريقة الله يسلمكم إنك تجيب لك ببغاء اللغه عنده زينه وتخليه يدرس بدالك ويحفظ المنهج كله وأنت حط راسك وريح وإذا جاء الصبح دور لك أقرب كرسي جنب النافذه وخلي الباقي على الببغاء هو الي يبي يفزع لك.

عن ابن مسعود رضي الله عنه قال : قال رسول الله صلى الله عليه وسلم :( من غشنا فليس منا والمكر والخداع في النار ) رواه ابن حبان والطبراني وهو حديث صحيح كما قال الشيخ الألباني ، إرواء الغليل.
وفي الختام دعواتي للجميع بالتوفيق والسداد والله يفتح على طلابنا وطالبتنا ويحققون ما يتمنون باذن الله