السلام عليكم ورحمة الله وبركاته
أولا أبارك للطلاب والطالبات الإجازه صح انها ماتسوى سبوع لكن شئ ازين من لاشئ<==عجل علينا
ثانيا معليش على الإنقطاعه وأشكر كل الي سألوا وارسلوا عبر الإيميل .
نطب بالموضوع علطول<==الله من زين البدايه..
الصراحه فيه اشياء تقهر الي عنده غيره على وطنه.. الله يحفظها لنا ..
هذي بعض الصور الي صورتها بنفسي بعضها يقهر
لكن ماباليد حيله وبعضها تستغرب منها ..
نببدأ بالصوره الأولى ..
هذا ياطويلين العمر بيت داخل على شارع أربعين.. امووت وأعرف اللي مخطط الشارع كان سكران؟؟ ولا وش سالفته ..
@@@
شرايكم بدخلت البيت على الشارع؟؟؟؟
أما الصوره الثانيه هذا وانا ماشي في أحد الشوارع اطالع تريله معرضه على الشارع
اول ماشفتها قلت اكيد حادث الله يكفينا شر الحوادث لكن يام قربت شوي إلا طلع عكس ما اتوقع
طلع ابو الشباب ((اظن الشارع مكتوب بأسم ابوه )) 
معرظ لي بوسط الشارع ويحمل أغراظ !!!
@@@
((من أمن العقوبه اساء الأدب))
أما الصوره هذي وانتم الكرامه لوايت شفط مياه صرف صحي ..
مريت من عند السياره واطالع شئ غريب ؟؟؟!!! يعني ضاقت الأماكن تفرغ الي في الوايت هنا مكان عام
وبالأصح شارع في حي راقي .. مع العلم انه فيه أماكن مخصصه لهم لكن العماله ماعندهم الحرص وغير انهم امنين العقوبه..
@@@
أما هذي الصوره فهي في الدائري أحد الطرق السريعه المعروفه ..
طبعا تعودنا على مثل هذي الصور لكن مانعرف وش عاقبتها لو طاح السلم الي في الصندوق؟؟؟
اول شئ بيظر السيارات ويعطل الطريق السريع كله من الحوادث والسبب شئ بسيط وعدم مبالاة..
اي ملاحظاة او استفسارات
تحت خدمتكم
تحياتي : مصرقع
مــــصــرقـــع
تصميم وبرمجة 