السلام عليكم
والله مبطين عنكم وموضوعي ذا كان ابنزله قبل الدراسه بس مالله كتبه طقتنا صخونه الله
لايوريكم
الزبده
من كل سنه جرت العادة اني اطلع مع شلة الانس والفرفشه للبر بعيد ضحيه شوا حر برد طالع
طالع
وقلت ماهيب شينه ناخذ بعض الصور الصاحيه والي ماهيب صاحيه ونكون نقطه في بحر قروب ابو
نواف الي بديت اعشقه لااا والله احبه << مايقلد ياسر التويجري
وعشان الصور الي جايب كثير وسويت لها تصفيات عشان نطلعها بالقروب برضو طلعت كثير قلت
ابخليها جزئين
ولكم الصور وبعض التعليقات
قبل الصور بس بقولكم وجهتنا كانت لروضة الشوكي وهي تابعه لمحافظة تمير على طريق القصيم
ولها كذا طريق يودي لها بس هذا الطريق السهل للي حاب يروح خفافي
يعني تجي لها 250 كيلو حتى ينتهي الازفلت
بس منطقه خيال اذا صابها المطر وبارك ربي به
وهذي راحلتنا وقافلتنا
موقعنا الي اخترناه ونصبنا فيه الخيمة
هذي من الضيوف الي ماتركونا من جينا لرحنا بس جا معها كم لقطه صوره نعرضها بعدين وبه
شي خصوصي ماينعرض
وذا من شبابنا الي مايحب يجلس ابدا هوايته التسدح وشبو لي النار
هالصوره لقيتها بالكمره مادري من صورها شكله يبي يوريكم حنفيه الماء بالبر
هذي مناظر الصباح الباكر وكان برد وجازلي انعكاس صورة الشجر بالماء
بذا الصورة لو لاحظتو الصيخ تبع الحنفيه تجمدت عليها قطرات المايه
لفتنا الصباح حول النار وشابين على قهوتنا ومويتنا وحليبنا
من فيكم سمع في القرص الي يطبخ في وسط الفحم هذا هو اكلتنا بهالصبحيه
مناظر من حولنا
يوم شفنا البرد بيشتد وحسينا ان نارنا لازم تصير شابه قلنا مابدهااشي فاسك والشجر اليابس
بس تبون الجد التحطيب هذا شغله تجيب النشاط
هالدرج سوينا لابغينا نغتسل من السيل ولا شي
هالرخله الصغيره عمرها يومين وانا ماغير اتسدح عندها واصورها وهي تطالعني وتقول وش
يبي ذا
على فكره رخله يعني بنت صغير بس يطلقونها على الغنمة الصغيره
آآآآآآآه بتقولون ليش اقول اه حنى والشباب تمنينا نبيع ذممنا ذاك الوقت ونسرق واحد
من
هالهرافا ونذبحه ونقلب ضليهاته على نارنا ونمصمص عظيماته بس ربك يطالعنا بالله ياشباب
تخيلو فوق
النار يشوا وانت بهالمكان وش شعورك
المشكله السوداني رافض يبيع
مناضر من حوولنا
آآه هذا هو السوداني ابو رادو
هذا رفضن يبيع يقول الكفيل داير يزعل
بس حبيب صدته فوق جبل يدور ابراج جوال معه جوال لو صكيته في جبهت واحد ان يطير دمه
تقول نافوره
هذا رادوه مر علينا وهو يسمع نانسي عجرم على اذاعة الكويت تمنيت الكامره
حولي اسجله فديو ولا الجوال بس مالكم بالضحكه نصيب
هذا خوينا بعد مالقط الارسال
عاد من زود الفراسه عنده يدق ويقفل عشان يدقون عليه وانا يوم شفته صاد ابراج
واصوت لربعي اقول به ابراج
شوي الا السوداني يقول داير تخطف الابراج مني
وانا الي افقع ضحك
بس والله ماقصر كل صبح جايب لنا حليب ماعز ومابه احلا منه شرب ومع القرص
نهاية الجزء الاول
انتظر ارائكم
تحياااتي
فهد الفهيد
تصميم وبرمجة 