السلام عليكم

تحية طيبه الى جميع أعضاء قروبنا العزيز وتحية اخرى للأخ بو نواف المحترم

بالبدايه نحمد الله سبحانه وتعالى ان بلغنا شهر رمضان وهو خير من ألف شهر
فندعوا الله ان يبلغنا هذا الشهر لأعوام عديده اللهم آمين
اللهم اغفرلنا في هذا الشهر واجعلنا من عتقائك من النار
ونذكركم ان الصيام ليس صيام عن الاكل والشرب فقط .. انما صيام عن كل ماهو محرم

اما بعد

أحب اشرح اليوم كم خطوه لحماية الايميل بالاضافه لطريقة استرجاعه في حالة ضاع او انسرق لا سمح الله
ومثل ما ذكرت سابقا ان ضحية شرحي كان ايميل الاخ يابعدهم
اللي رجعت ايميله وبنفس الوقت كنت اسوي هالشرح اثناء استرجاعه

بس بالبدايه احب اذكر الجميع اني بهذا الموضوع ما استعرض عضلاتي لإسترجاع الايميلات انما فقط
اذكرلكم الطريقه وانتو طبقوها بنفسكم بالاضافه لضيق وقتي الحالي اني استرجع ايميل اي شخص يطلب هالشى

نبدأ اولا بعرض محتويات الايميل :

1- طريقة اخذ المعلومات المهمه للإيميل
2- طريقة وضع الايميل البديل
3- طريقة استرجاع الايميل
--------------
4- برنامج قصص الانبياء للأطفال
5- ملفات باوربوينت
6- ملفات للنشر البلوتوثي والانترنتي
7- خلفيات عالم الاحلام

ملاحظه : عدد الصور كثير بالموضوع ..لذا اي صورة ماتطلع .. رايت كلك عالصوره ونختار اظهار الصوره
Right Click >> Show Picture
________________________________


~~~ 1 ~~~

نبدأ اولا بجمع المعلومات المهمه اللي لازم نعرفها في حالة اردنا استرجاع ايميل ضايع او مسروق
وبدون هالمعلومات مانقدر نسوي شى .. فالرجاء تسجيلها بأي مكان آمن بالكمبيوتر او خارج الكمبيوتر

نفتح الايميل .. ومن الاعلى عاليمين نختار اوبشن


ومن بيرسونال نضغط على بروفايل

والمطلوب ناخذ هالبيانات ونحفظهم لوقت الحاجه
- first name
- last name
- Sign-in name
- Birth date
- Country/region
- State
- Zip or postal code

طبعا بالنسبه لـ
Sign-in name
المقصود فيه عنوان الايميل لكن بدون
@hotmail.com

وفي معلومات اضافيه مهمه جدا جدا بيسألونكم عنها الهوتميل في حالة مراسلتهم
ولازم تخزنونها عندكم غير هالمعلومات اللي ذكرناها
وهي :

- Approximate date of last successful sign-in
وهو آخر يوم تم تسجيل الدخول للإيميل او الماسنجر قبل سرقته او ضياعه

- The name of your ISP
وهو اسم الشركه اللي تستخدمها للدخول على الانترنت

- As many "old" outdated passwords you used in the past as you can remember
عنوان باسووردك قبل لا يغيره السارق .. بالاضافه لباسووردات قديمه لهذا الايميل اذا تعرفها وتذكرها

- The exact Microsoft Passport Network site you last visited
آخر مكان دخلت منه لخدمات مايكروسوفت وبعدها فقدت الايميل .. يعني هل دخلت الماسنجر وبعدها ضاع الايميل
او انك فتحت الايميل وبعدها ضاع الايميل.. او او .... الخ

- The approximate date you registered the account
تاريخ تقريبي لإنشائك لهذا الايميل يعني سنه سنتين ولو تاريخ تقريبي بالشهر يكون افضل

- A list of as many personal folders you have created in the account
فولدرات تم انشائها داخل الايميل غير الفولدرات الاساسيه
وبهالصوره واضح ان الفولدرات الاساسيه بالمربع الاحمر وفولدرات تم انشائها بمستطيل ازرق

- An IP address is a code made up of numbers separated
هالمعلومه مو ضروريه الحين لكن ان ضاع الايميل تستعملونها
والمطلوب هو أي عنوان آيبي للشركه اللي تستخدمها للدخول على الانترنت
وقلت مو ضروريه الحين لأن يمكن الحين تستخدمون اشتراك وبعد فتره تغيرونه
وعموما لمعرفة الآيبي الخاص فيك او اي آيبي للشركه
ادخل على هالموقع
http://www.ipchicken.com/

أو

http://www.myipaddress.com

ومجرد ما يفتح الموقع يطلعلنا الآيبي نفس هذا




وجذي بإذن الله نكون جمعنا جميع المعلومات المهمه اللي تمكنا من استرجاع الايميل مهما كان
لكن باقي شى بسيط وهو اضافة ايميل بديل فننتقل الحين لهذه الخطوه

~~~ 2 ~~~
الايميل البديل

مع بداية خدمه الهوتميل بأواخر التسعينات كان من ضمن خطوات التسجيل في شى اختياري
الا وهو الايميل البديل .. ولجهل الناس فيها حذفوها ثم ردوا ضافوها قبل كم سنه
وطبعا ماعتقد احد كان مهتم لهذه الخاصيه لكن بوضح طريقتها بالتفصيل وشلون نرجع الايميل من خلالها

بالبدايه ندخل هالعنوان هنا

ونضغط على خدمات الحساب

ستم طلب تسجيل الدخول .. اكتب ايميلك اللي تبي تحطله ايميل بديل واكتب باسوورد وسجل الدخول
بعد الدخول اختر .. مؤهلات الاعتماد :



ثم اضافة عنوان البريد البديل

والحين نكتب الباسوورد ثم الايميل البديل ثم نكرر كتابة الايميل البديل



الحين فرضا اننا اضعنا الايميل
او انسرق مع فرضية ان السارق مايعرف خاصية الايميل البديل
فطريقة استرجاعه جدا سهله .. خصوصا في حالة نسيان الباسوورد بدون سرقه
وطريقة استرجاعه كالتالي ...

ندخل موقع الهوتميل ونضغط على
Forgot your password?

الحين نكتب الايميل .. وتحت الايميل في كود من ارقام وحروف نكتبه بالفراغ الثاني ثم نضغط
Continue



ثم بالصفحه التاليه نضغط على الجمله الاولى لإرسال الباسوورد على الايميل الجديد




ثم صفحه جديده فيها خيارين .. نختار الاول وهو تأكيد الارسال على الايميل البديل




الحين نروح للإيميل البديل وبنلقى رساله من مايكروسوفت بالعنوان التالي




نفتحها ونضغط على اول عنوان بالرساله




والحين يطلب مننا نكتب عنوان الايميل اللي ضاع باسوورده او انسرق




تفتح صفحه تغيير الباسوورد فنكتب الباسوورد ونكرره بالفراغ الثاني





واخيرا .. مبروك تم استرجاع الايميل وتقدر تفتحه بالباسوورد الجديد

 

~~~ 3 ~~~
استرجاع الايميل المسروق

طبعا نعتمد بإسترجاع الايميل على المعلومات اللي ذكرناها ببداية الموضوع
وكل ما كانت المعلومات صحيحه زادت حظوظك بإسترجاع الايميل
والمعلومات الضروريه مثل اسم البلد وتاريخ الميلاد او او... الخ في حالة كتبتها غلط فتقريبا مايرجع الايميل

وعموما استرجاع الايميل كان سابقا بغرسال رساله على عنوان معين
ثم تغير العنوان اكثر من مره الى ان تم حديثا وضع نموذج يتم تعبئته وارساله لمايكروسوفت
وهي طريقه جديده غالبا محد يعرفها

المهم بالبدايه في حالة انك فاتح ايميل ثاني فلازم ضروري تسوي تسجيل خروج
ثم نفتح هذا العنوان

ننزل بنص الصفحه وبنشوف فورمه جاهزه نعبيها بالمطلوب
وبالجزء الاول يطلب عنوان البريد المسروق وعنوان مراسلة الشخص اللي يبي يسترجع الايميل بالاضافه لإسمه




بالقسم الثاني .. يطلب منك تختار نوع الخدمه
والخيارات الموجوده داخل هالخطوه دايم تتغير لدرجة ان خلال كتابتي لهذا السطر اكتشفت انها تغيرت
واضطريت اسوي برنت للنموذج الجديد

نشوف بالبداية النموذج القديم :



بالفراغ الاول اخترت
I Forgot My password

ثم راح يطلع فراغ ثاني مو موجود لما اخترت الجمله الاولى واخترت منه
I don't know my question....

ثم بالمستطيل الكبير نكتب معلومات اضافيه
والمقصود هني اننا نكتب الاسم الاول والاخير والبلد وتاريخ الميلاد ووو.... اي اننا نكتب المعلومات الاساسيه
بدون كتابة المعلومات اللي قلتلكم انها المعلومات الاضافيه الضروريه .. لأننا راج نأجلها لخطوه ثانيه

ومثل ماقلتلكم هالخطوه تغيرت بهذا النموذج الجديد من مايكروسوفت التعبانه




يعني الله يعينكم على اختيار الخيارات الصحيحه في حالة تم تغيير هالنموذج بعد ما ارسل لكم هالرساله

ثم بالجزء الثالث من النموذج نعبي اي شى ويستحسن نفس هالبيانات




ثم نضغط


الحين خلاص ارسلنا طلب استرجاع الايميل لمايكروسوفت
وبعد يوم كامل بيوصلك رد على ايميلك بهذا العنوان



بيكون محتوى الرساله عباره عن اشياء مالها معنى
وفقط ننتبه لهذي الكلمه اللي تطلب مننا نسوي
Replay
للرساله بدون تغيير اي شى بعنوان المرسل اليه او عنوان الرساله او المحتوى



وطبعا ننتظر يوم كامل بعد .. عشان ننتظر الدعم الفني بمايكروسوفت يردون علينا
والرساله الثانيه هي تحدد استرجاعك للإيميل من عدمه
وهذي هي الخطوه اللي نحتاج فيها المعلومات الاضافيه بشكل اساسي
وبتوصلك الرساله وداخلها اسئله .. تختلف من شخص لشخص .. وانا وصلتني وطلبوا مني هالمعلومات



وجميع هالمعلومات الاضافيه شرحتهم فوق بأول الشرح
طبعا .. نقوم بعمل ريبلاي ثم نقوم بكتابة الاجوبه ثم نرسل الرساله

وسيأتي الرد اما بالايجاب او النفي حسب صحة المعلومات المقدمه لهم
وبالمره الاولى لما استرجعت ايميل يابعدهم كان الحبيب معطيني الدوله غلط
وكان ردهم النهائي هو المكتوب بالخط الاحمر بالصوره



ولما راسلتهم مره ثانيه بعد تصحيح البيانات
ولما عملت ريبلاي للرساله الاولى .. ثم ريبلاي للثانيه مع اجوبة الاسئله الاضافيه .. وصلتني هالرساله



ولما نفتحها بنضغط على اول عنوان ونغير باسوورد الايميل المسروق بكل سهوله



وجذي نكون انهينا المشكله وناتبهوا لإيميلاتكم مره ثانيه
مع الانتباه ان بعد ماترجعون الايميل غيروا البيانات الاساسيه + السؤال السري + الايميل البديل

واكرر اعتذاري عن عدم مقدرتي خدمتكم بإسترجاع الايميلات بأكثر من هالشرح اللي انا استخدمه بالاسترجاع
وذلك لضيق الوقت ولبدأ موسم البر والمخيمات عندي


~~~ 4 ~~~
قصص الانبياء

اعتذر بالبدايه من اصحاب الدايل اب لأن البرنامج حجمه جدا كبير واصحاب الاشتراكات البطيئة يحتاجون
مايقارب 30 ساعه لتنزيل البرنامج


والبرنامج عباره عن قصص الانبياء بالصوت والصورة للأطفال
بالاضافه لتلاوة جميع الآيات الخاصه بالانبياء في القرآن بصوت الشيخ سعد الغامدي
وايضا مسابقات بعد قراءة القصة بأسئلة عن القصة لزيادة الفهم والتسليه للطفل

طبعا انصح استخدام برامج استكمال التحميل عشان تنزلونه ثم تكملون التنزيل في حالة انقطع الاتصال

اما لتحميل البرنامج

صور للقصص :











~~~ 5 ~~~

ملفات باوربوينت جديده وجميله عسى ان تنال الاستحسان

ملف جميل جدا لقصص من سيرة الامام ابو حنيفه وحتى موته رحمه الله
لتحميل الملف

اختصر عنوان الملف بكلمة .. السرور
لتحميل الملف

فتاوى رمضانيه  نحتاجها جميعا
لتحميل الملف

فتاوى للنساء فقط
لتحميل الملف

المنزل الاول من منازل الآخره .. فإما نعيم والا جحيم نسأل الله لنا ولكم النعيم
لتحميل الملف

اعلم ان الله يحبك
لتحميل الملف

أفضل ثلاث ساعات في رمضان فإغتنموها
لتحميل الملف

مايقال لجلب الرزق وسعة العيش ودفع الضرر
لتحميل الملف

كتاب شرح السنة للإمام ابو محمد الحسن البربهاري
لتحميل الملف

في رحاب القرآن .. اسله واجوبه
لتحميل الملف

~~~ 6 ~~~

مواضيع جميله جدا تصلح للنشر عبر البلوتوث وبالمواقع والمنتديات
ومجموعه جديده ستنال الاعجاب حتما

المواضيع المرفقه بالملف :

ابو دجانة صاحب العصابة الحمراء
أعظم جنود الله
الإمام علي ومسألة تقسيم الجمال
العهد عند الله
الوداع على ثلاثة انواع
تجارة النوايا
قيمة الوقت
مئة خصلة انفرد بها النبي عن باقي الانبياء
ماذا اقول له؟؟
هذا بذنبي
وصايا لقمان لإبنه

لتحميل الملف

~~~ 7 ~~~

خلفيات عالم الاحلام




لتحميل الخلفيات

وعلى الخير نلقاكم
وتقبل الله منا ومنكم صيامنا وقيامنا .. اللهم آمين

والسلام خير الختام

انتقل الي ارشيف سنة ... 2002 2003 2004 2005 2006 2007 2008 2009