بسم الله الرحمن الرحيم

بدايةً ، يـ الله مع السلامة أشوفكم على خير المرة الجـايـه
<< أبو اللي علمك كيف تكتب رسالة بس

بدايةً ، أحـب بـ صـراحة أن أشكـر جميـع القائميـن على هذا القروب
و كل الأعضاء المشـاركيـن فيـه .. و خـاصةً أنـا ..

و طبعـاً هـاذي أول رسـالة لي معكـم ، وهـي بـ مثـابة الإفتتـــاحيــه
و أتمنـى تعجبكـم مشاركاتي المتواضعة معكـم ، تعـرفـون إني جـديـد
معكـم في القـروب و أبـو نواف كارفني كرف مهـوب صـاحي ، تصدقـون
إنه يخلينـي أوزع جرايـد عـ الأعضـاء كـل صبـح ؟! ..
<< العضـو ذا بـ يتصفــــــق من الإدارة اليـــــوم ..

راح أشـارك معكـم بيـن فترة و ثـانية بـ مـواضيـع ، اللي ما يحـب القــراءة
يحـذف رسالتي من هـ الحـين ( تعال تعال وين رايح ، من جدك أنت بـ تحذفها
إقراءهـا بس مجاملة لي ، خنقتنـــي العبـــرة ) .. و أحيـانـاً تصنـف معــي
و تنفتـح قريحيتي ( وع ) وتتهيج أشجاني و أصمم تصميـم بـ الفوتوشوب
الفوتوشوب معـروف طبعاً : في أي بندة تلاقيه جنب صابون لوكـس

طبعـاً إسمـي ( .. مــواصــل .. ) شخصية مشهورة جداً ، و معروفـة كثيــر
بـ تقولون ذا اللي يطلـع جنـب تــــوم كـــــروز في الصـور دايـم ، إيه إيه أنـا
<< يا شين النصـب لا زاد عن حده ، أقوول ضف وجهـك ..

طبعـاً أكثركـم بـ يسـأل كيف عرفت قروب أبو نواف ، أنا أقولكـم القصـة ، وهـي نفسهـا
القصة اللي تبوتقت منهـا فكـرة البريد الإلكتروني ( يمديكـم بس على " تبوتقت " ؟
لي 3 سنين أنتظر فرصة مناسبة أقول الكلمة ذي فيها ) لأن في كتـب التــاريخ
حرفوا قصة إختراع البريد الإلكتروني و أضـافوا لهـا القيل و القـال ، ولا يهـون القـول ..

كنت يـوم من الأيـام أتمشـى على البحـر في الرياض ، فـ شفت بيل جيـتس جـالـس
و مهـوم مـرة ، فـ رحـت عنـد الرجـال أبغـى أواسيـه وأشـوف وش قصـته .. ويـوم إنـي رحت
لـه و أسلـم عليه و يصـب لي فنجـال قهـوة ( أنتو تشـوفون صواريخ كثيرة فـي السمـاء ؟
ولا أنـا واهـم ؟ ) و قـام يشكـي لي إن شركـته مايكروسوفت قربـت تعلـن إفـلاسهــا
و حالته حاله وهـو جـاي عشـان يغيـر جـو عند بحـر الريـاض .. و نحـن في معمـه الحديث
قرر إنـه يرسـل رسالة لـ نائبه في أمريكـا .. فـ قلت له هـون عليـك بس يا رجـال .. هـات أنـا
أوديهـا على رجلي أسرع من البريد السعـودي ، لأن الرسالة تتحـول لـ كائنات عضـوية ما بعـد
وصلت لـ نائبك ذا .. فـ قـام يطـامـر و يناقز و يقـول " لقيتهـا يا ولد منيـرة " ، ما عليكـم منه
إسم أمي مهـوب منيرة ، بس هـو يحـب يستهبـل .. قال إنه بـ يسـوي البريد الإلكتروني
و بـ كذا يستغني النـاس عـن البريد السعـودي و منهـا يرفع أسهـم شركتـه اللي قربـت
تفلـس .. ومن فرحته قال لي أجيـه أمريكـا بعـد 10 سنين يعطيني 50% من الأربــــاح ..

مرت السنون ، ورحت لـ مكتـبه آخـر شـارع الستيـن جنـب كافتيريـا النسيـم و قلت له
يـ أبو جيتس يـ الله يديك عـ الـ 80% حقتي ( رفعت النسبة على بالي بـ أضحك عليـه )
قـام بيل جيتس وقال يا مواصل يا حبيبي ضف وجهـك .. أبوووك يـ الجحـوود ، جحدنـــي
و أحـاول فيه و أجيبه من هنا و هنـاك .. الرجال أنكـر حتـى إنه سـافر لـ الرياض ( لاااا ، ويقول
أصلاً إن الرياض ما فيها بحـر ، والله لو ما مسكت أعصـابي كـان توطيت في بطنـه )

الشاهـد قال لي يا مواصل يا نور عيني بـ أدلك على شئ يسـوي ثروتي كلهـا ، قامـــت
سعابيلي تقـوطـر .. قال فيه قروب إسمه قروب أبو نواف ، خلك عضـو(ن) فيـه و كـأنـك
أخـذت ثروتي كلهـا ( خخخخخـ .. وش رأيكـم بس ؟ أعـرف كيف أشبك الإدارة ، صح ؟ )

وبعـد ما سجلت بـ هـ القروب ، إكتفشت فعلاً إن كـلام بيـل جيتـس صحيـح
فـ المتعـة اللــي بـ هـ القـروب كبيـرة جداً ، و أعضـاء هـ القـروب يسـون ذهـب العـالم كله
( تحســــــون إنــــــي منافــــــــق كبيـــــــر ، صــــــح ؟ )

خـلاص خلصت ، وش نـازل تســـوي تحــت ؟! ..

.
.
.

تصميم

رمضـان ، بداية رحلتك إلى غـافر الذنوب

شخبطة بسيطة و سـريعـة جداً بـ مناسبـة هـذا الشهـر الكريـم و المبـارك
لكـن عندمـا وجـدت أكثر المصمميـن إتجـه لـ التهئنة و المبـاركة بـ هذا الشهر
أحببت أن أبتعـد عـن التكرار الممل و من جهـة أخـرى أحببت أن أوضـح أن بلـوغ
شهـر رمضـان ما دامت أخي المسلم لم تستغله بـ الخيـر سـ يكون نقمـة عليك .

بروفايل العمـل

تصميم جرافيكس بـ واسطة برنامج الفوتوشوب فقط لا غير بـ عرض 400 بيكسل ،
وطـول 348 بيكسل .. و دقة قدرها 72 بيكسل لـ كل إنش . لـ يكون حجم العمــل
النهـــائـــي 145 كيلو بايــت تقـــريبــاً . فيه 21 طبــقـــة " ليــرز " .
أخــذ العمـل مـن وقتـي سـاعـة واحـدة فقط ، إستخدمـت فيـه صـورة واحـدة فقط
خـارجيـه ، و إستخدمت فرش البرنامج الأصلية ، بـ دون إستخدام أي فلتـــر .

أتمنـى إني كنـت خفيف ظـل ، و أرجـو إن رسـالتي نـالت على إستحسانكـم ورضـاكـم

انتقل الي ارشيف سنة ... 2002 2003 2004 2005 2006 2007 2008 2009