نصيحه لوجه الله ... خطّك الأحمر لاتتعداه !

سلام علاكم

= = =

قبل أبدا .. لازم تعرفون أن هالموضوع بيكون غير على وزن ( جده غير ) !
وبتكون وجهة القمر ( خير بيرد ) والمنفذ ( mtoaa 11 ) والتردد ( 8885 ) !
العاده أني أطرح موضوع واحد كل أسبوع .. لأني أطبق تعليمات وزارة المياه بعدم الإسراف .. وانك تنقّط تنقيط ... وبلاش إسراف يالوح !
لكن لأهمية الموضوع .. دزيت لكم هالموضوع الصغيّر .. وأتمنى أنكم تتحملوه وتعتبروه ( عربون ناصح ) مُقدماً .. والشبكه والمهر بيكون في نهاية الشهر !
إخواني .. أخواتي ... في الله

أوّل شي أنتم تعرفون ( عزيّز الأحول ) .. أكيد ماتعرفونه - ولله الحمد - !
طيب أنتم تدرون أنه أحول .. طيّب وش سبب ( الحول ) اللي جاه ؟
خلونا من ( عزيّز ) !

صديقي الخبل ( راشد الأعور ) .. تعرفونه ؟
أكيد ماتعرفونه .. !
طيب أنتم تدرون أنه أعور .. طيّب وش سبب ( العور ) اللي جاه ؟

الجواب باختصار .. أنهم كانوا يزوغون بعيونهم لمّا يشوفون ( حرام ) وعشان كذا (( الله ابتلاهم )) في عيونهم .. !

إخواني ..
أنا دايم أطرح مواضيع ( مصرقعه ) .. بس مافيه أي مشكله لما أشرب لي عصير ( تفاح ) وآخذ لي قطعتين من خبز التوست وابدا أنصح ( أخواني اللي أحبهم ) !

عالم النت .. كبيييييييييير
كبير والله

كنت قبل شوي جالس مع واحد من زملاي .. وكنا نسولف عن النت وتطرقنا لنقطه مهمه اللي هي ( هل نراقب الله لما ندخل النت ؟ )
طيّب .. خلوني أوضّح شوي .. وتحملوني شوي ... وافسحوا لي مكان !
جلست على النت ... تطقطق وتقربع على الكيبورد .. طلعت لك صوره بالغلط ... صوره ( وِحشه ) وياكثرها كثراه !
وش تسوي وقتها ؟

طيّب .. خلونا من هذي !
المواقع الكثيره اللي من كثرها ماقدرت أعدها << شوفوا كيف الإحصائيه المهستره !
مواقع فيها الغث والسمين .. فيها الطايح واللي ماطاح .. فيها تونه ومربى وكمان دجاج مًُصاب بأنفلونزا الطيور !
أسأل نفسك ... قصدي أسألوا أنفسكم .. وش تشوفون فيها .. !
ليش دايم أحنا ( ندس ) روسنا في التراب لما نسمع الحق .. وليش مانواجه أنفسنا بالحقيقه !

العين ( تزني وزناها النظر ) !

إخواني الكِرام ..
أعتبروا كلامي ( كلام فاضي ) .. لكني أحاول أن أوصّل نقطه مهمه للجميع ..
الخوف من البشـر لايوازي خوف من ربِّ مُطلع على سرائر القلوب !
شكراً للجميع

= = =

أخوكم : مُدمن شاهي !