اخواني واخواتي جميع اعضاء قروب بونواف

حبيت اقدم شرح بسيط لبعض الاسئله والمشاكل اللي صادفة الكثير من الاعضاء وارسلوها لي احلها
لذا نعتذر جدا للتأخير بالرد حيث كنت اجمع اكبر قدر من المشاكل المهمه لشرحها

وكالعاده وبدون مقدمات ندخل موضوعنا ... مع ملاحظة اذا صورة ما تطلع فكل ماعليكم تضغطون رايت كلك وتختارون اظهارالصورة او شوو بيكتشر

مشكلة اعدادات اللغه وعدم المقدره على الكتابة بالعربي و و و....الخ
الحل:
من قائمة ستارت نروح للأعدادات ونفتح الكنترول بانل
ونبحث عن هالايقونه ونضغط عليها


وبتطلع نافذه .. ماعلينا الا نطبق نفس الاعدادات الموجوده بالصور الثلاث القادمه

1-


2-


3-


وطبعا لا تنسون ان بعض الاعدادات فوق تختار فيها دولتك مثل ما انا اخترت لكويت

الكل يلاحظ ان بالويندوز اكس بي بعض البطىء عند فتح الصفحات او عند بدأ التشغيل او في الكثير من الاشياء المهمه
ومن الاسباب الرئيسيه هو شكل او مظهر الويندوز لأنه ياخذ بعض من الميموري ويأثر على الاداء
وفي خاصية بالاكس بي تخليك تختار طريقة عمل الويندوز من حيث الاداء او المظهر

وللوصول لهذا الاختيار
نضغط رايت كلك على
My computer
ونختار
Properties

والباقي مشروح بالصورتين





يبقى الاختيار لكم ... عمل الويندوز حسب افضل أداء او افضل مظهر

الكثير يعاني من مشكلة كثرة التول بار الموجوده بالاكسبلورر
مثل التول بار الخاص بغووغل او النورتن او برنامج الياهو وو....الخ مما يسبب صغر صفحة الاكسبلورر
مثل هالصوره


ولشطب جميع التول بار الغير ضروريه .. نتبع هذي الطريقه بالصوره



حيث نشطب علامة الصح من جميع الاختيارات ما عدا هذي الاختيارات
Standard Buttons
Address Bar

والنتيجه .. يصبح الاكسبلورر على هذه الحاله وبدون زيادات

تقارير الاخطاء من المشاكل الشائعه بالاكس بي ولما تطلع تعطيك اختيار ارسال التقارير لمايكروسوفت من عدمه
وبالحالتين .. او ماتسكر المسج تسكر معاه جميع صفحات الاكسبلورر المفتوحه
وهالشى يضايق الكل خصوصا اللي فاتح عشر صفحات نفسي

واذا تبون رأيي ؟؟ ترى تقارير الاخطاء ما منها فايده ولو تسكرون هالخاصيه افضل

واللي يبي يسكرها

رايت كلك على ايقونه
My Computer
ونختار
Properties

وبعدين .. من قائمه
Advanced
نختار
Error Reporting
ثم نختار
Disable Error Reporting

والصوره توضح لكم الطريقه بشكل افضل




ولما تختارون هالاختيار لا تنسون تشيلون الصح من هالجمله
Notify me when error occur

البعض مايطلع عندهم على سطح المكتب ايقونة ماي كمبيوتر او ماي دوكيومنت او الاكسبلورر
ويمكن البعض يحب يخفي هالايقونات بس مو عارف شلون

وبالحالتين الطريقه سهله

رايت كلك بأي مكان فاضي على سطح المكتب ثم بروبيرتيز او خصائص

ومن النافذه نختار
Desktop
ثم زر
Customize Desktop




واللي مو طالعه عنده الايقونات يحط صح عند الايقونات اللي يبيهم
واللي يبي يخفي ايقونات يشيل الصح منهم

بشكل افتراضي .. عند فتح اكثر من ثلاث صفحات انترنت .. فهذي الصفحات تتجمع في زر واحد
كما بالصوره


واللي مايحب هالخاصيه ويبي كل صفحه في زر مستقل .. فهذي الطريقه

رايت كلك على التاسك بار ثم بروبيرتيز او خصائص


ونشيل علامة الصح من هالجمله

بصراحه انا اكره قائمة ستارت لما تكون بهذا الشكل



واللي يشاركني الراي ويحب يغير قائمة ستارت ويرجعها للأساس فماعليه الا يضغط

رايت كلك على التاسك بار ويختار بروبيرتيز او خصائص


ونختار من فوق
Start Menu
ثم
Classic Start Menu

البعض اذا مو الغالبيه .. مايعرفون مواصفات اجهزتهم
يعني تلقاهم خبره بالشات والمنتديات بس ابسط المعلومات عن اجهزتهم مايعرفونها
كأن اللي اشترالهم الجهاز ولد جيرانهم مو هم ...

واللي حاب يعرف معلومات دقيقه عن جهازه
من قائمه ستارت يختار تشغيل او رن
Run
ويكتب
cmd
ولما تفتح نافذه الدوس نكتب
systeminfo

عاد بيطلع كلام كثير .. بناخذ منه الاشياء المهمه وشرحها تحت الصوره



والحين نشرح الاشياء حسب رقم كل اختيار

1- يشير الى نوع الويندوز الموجود على الجهاز

2- نوع الاصدار الخاص بالنظام ونوع السيرفس باك الموجود عالجهاز

3-  تاريخ تنزيل الويندوز على الجهاز .. بالتاريخ الكامل باليوم والشهر والساعه والدقايق والثواني
وواضح لكم اني نزلت الويندوز على جهازي بتاريخ
30-3-2005
الساعه
11 : 50 : 18
بالليل

4- هذا الاختيار يوضح من متى الجهاز شغال
واللي طالع بالصور .. ان جهازي صارله نص ساعه شغال
فأذا احد كذب عليك وقالك صارلي دقايق مشغل الجهاز تقدر تصيد كذبته صح؟

5- اسم الشركه المنتجه للمذربورد

6- مكان وجود مجلد الويندوز

7- اللغات المثبته بالجهاز
والواضح بالصوره ان بجهازي اللغه العربيه-الكويت  ... واللغه الانجليزيه-الامريكيه

8- توقيت الجهاز
وفي الصوره توقيت جهازي .. الكويت-الرياض

9- الذاكره الفعليه المثبته عالجهاز
وانا ذاكرتي 256 لكن الذاكره الفعليه 255
والكل يتأكد من ذاكرته بيلقاها ناقصه

10- انواع التحديثات التي تم تركيبها على الجهاز
والظاهر بالصوره اني مركب ثلاث تحديثات للويندوز

وجذي خلصنا من المعلومات الضروريه والحلوه لاجهزتنا واللي يبي معلومات اكثر جدا جدا عن جهازه
فما عليه الا يروح قائمه ستارت ويختار برامج ثم
accessories
ثم
system tools
ثم
system information
ومن النافذه اللي بتطلع نضغط علامة الزائد عند كلمه
component

ونتمتع بمعلومات اكثر عن كل قطعه مثبته على الجهاز

نطلع من جو الويندوز وندخل عالم الهوتميل مع حركه بسيطه وحلوه بالايميل
.....
هل حاولت ترسل رساله لشخص وماقدرت لأن ايميله متروس وما يستقبل رسايل؟؟ هل يطلعلك هذا المسج؟



انزين في طريقه حلوه نلعب من خلالها على الهوتميل ونرسل رساله لأي شخص ايميله متروس ومايستقبل رسايل

والطريقه هي ... اننا نكتب اول حرف كابتل من ايميل الشخص اللي بنرسله
يعني اللي بيرسلي على هالعنوان
nawaf81@hotmail.com
وما يقدر لأن ايميلي متروس .... يجرب يكتب عنواني بهذا الشكل
Nawaf81@hotmail.com

ولاحظوا اول حرف كابتل .. والرساله بتروح غصب عن ابو الهوتميل .. وجربوا وقولولي

وجذي انا تعبت وماقدر اكتب لأن صارلي اربع ساعات اسوي وانسق واحمل واضبط واعدل ثم ارسل
وكل هذا يهون دام فيه فايده لكم .. وماهو خساره بقروب ابو نواف

وان شاء الله ماراح اغيب كثير وموعدنا الاسبوع الجاي مع ابسط وافضل برامج تشفير الملفات والمجلدات

والسلام خير الختام