معصي يا التنويم المغناطيسي, تبي تربّي عيالك ؟

قالت الشاعرة هيفاؤووه ياحبي لها وياحبكم لها دكتاتورية

8
8
8

والله ابطي وماصرت شاعرة

المهم اني قلت هالبيت الناتج عن معاصرتي للحياة :

وان البزر للمصايب جايب  عطه وجه وبتشوف العجايب



الله اكبر وليخسأ الخاسؤوون

مدري بس احس اني صرت هيفاؤووه بن هذال

قصتي اليوم بعنوان :
_______________


لاتعطي البزارين وجه :

في يومن من الايااام شاءت الظرووف وان تشتري فاتن ساعه لعبة وكان عمرها 6 سنوات وهذا العمر انتبهوا منه لانه منبع البثارة

كان والدها يخرفش بالجريده وفاتحن على صفحه الاسهم عاد تخبرون الخط صغير ويبي يركز وش يدريتس بالاسهم وانتي من يوم تمسكين الجريده تفتحين الصفحه الاخيرة يالتسذووووبه

الا وفاتن تنادي : يبااااو من زود العربجه ياحبي لها


ابوها يقول : نعم

فاتن وقد اقتربت منهو والحياءو يعتلي محيّاها وهي تدعس على الجريده من زود الدلاخه التي تسري في عروقها ياكرهني لذي الحركه

ابوها : يامال الوجع وخري عن الجريده ماتشوفين اقراااااا



فاتن >>>>>>

ابوها وقد تمالك اعصابه وقال في قرارة نفسه مايصير احاتسيها كذا خلني اشوف وش تبي

وقال : تعالي ياشعيلة وش تبين ؟ ( وشعيلة كلمه اثريّة اندثرت الان وهي كناية عن البنت السوسه اللي ماتدور غير الأذية )

فاتن : يبااا تراني شريت ساعه وبنومك تنويم مغناطيسي .

ابوها: وانا ابوتس يا توفي دلعهااا توفي

انا قاعد اقرا الجريده الحين



توفي : >>>>>>>

ابوها : خلاص تعالي يامال الوجع انا ما ادري امتس ليه ماخذتس معها للسوق

والكشرة والسرور في وجهها وهي تقترب وتقول له يالله ناظر بالساعه>>

تمسكنت لحد ماتمكنت

وفلّت شعرها استعداداً للتنوميم المغناطيسي




ابوها:





فاتن : ها يبه جاك النوم ؟

ابوها : >>>>> مايــــرد !!

يعنني نايم ماله دااااااااااعي هههههههههههههه



ترى موب زين ذا الطبع انك تطاوع البزارين بكل كبيرة وصغيرة


المهم نكمّل لكم قصّه توفي

توفي تناظره وتقول : يبــه !! انت الحين منت يبه

فكر الاب يفتح عيونه بيشوف وش السالفه

ولكن صرخة توفي جعلته يغمضها من جديد : يبا انت نايم تنويم مغناطيسي سكر عيونك تضحك علي هااااا ؟

ابوها : وقد انخرع من كلمات طفلته وغمضهاا لا ما اضحك خلاص ماني فاتح عيوني

وتكمل توفي حديثها : ارفع يدّك فووووق عطيناها وجه

ابوها : كلّهن ؟

توفي : ايه يبا الثنتين
ابوها ويدينه مرفوعه صارت تتهزهز هههههههه تعب وهو رافع يدينه

صار ينادي بنته : توفي ......... توفي ؟ فاتن

فتح عيونه ولقا حاله جوّا غرفه مدورة مستديرة باللغه السيلانية

وقف يبي يشوف وش السالفه الا فيه قشور فصفص وقراطيس حلاويات

ودفتر تلوين ليدي ليدي وخيوووط وعلب اكتفيد مخلصه شكل صاحبها كان يبي ينتحر  واسلااك مصدية

صار يصرخ ويخبط جدرانها المايله ويصارخ عااااااا

ويقول : توفييييي وتفوووو عليتس من بنت موذية وين انا فيه ؟؟

ويسمع صوتاً من داخل الغرفه المستديرة اللي هو منحشرٍ بها

هع هعععععااااااااايييي يبا انت براااااسي واخيراااً صرت براسي صوت توفي

ابوها : الشرهه علي اللي اطاوع بزره ارهابية مثلك

توفي : يبه لا احطك بتسبدي الحين انواع اللوعه

ابوها : طلعين لا افصل السلك اللي براسك ذا المصدي

توفي : يووووه انا الغلطانه اللي احطك باحسن الاماكن خلاص بحطك مع امي بالكلى   كل واحد بكلية اثاري حتى امها

صار الاب بكلية والام بكلية




ومنصدميـــــــــن من بنتهم ليش صارت كذا

ويوم وصل ابو فاتن للكليه اليسرى

نادى على زوجته ام فاتن بالكلية اليمنى  وقال : ياولد

قالت : تتميلح انت وخشتك من عندي يعني ؟؟؟

قال : تسمعيني ؟

قالت :ايه اسمع شفت اللي صار يابو فاتن ؟ والله ابد شوووفة عينك صار فيني مثل اللي صار لك

فاتن : اقول اهجدوا انتم الاثنين تراكم رجيتوني

ام فاتن : طيب ياماما ياتوفي من علّمك تسوين كذا ؟؟

ابو فاتن : حرام حنا اهلك امك وابوك !!!!!!!

فـــاتــ(توفي )ــن : التلفزيووووون علمني اسوي كذاااا

اهلها : علمك ماتطيعين امك وابوك ؟؟

توفي : ايه شفت عالهوا سوا وياحليله
vويسي ينادونه البنات ويسولفون معه على كيفهم وترا انا يايبا زي vويسي انت تناديني وانا ارد عليك وانت ماتشوفني وانا اشوفك


برنامج عالهوا سوا : في داخل المنزل اللي عايشين فيه البنات يوجد شخص لايرونه يُدعى : vويسي  اي وحده تتضايق تروح تدردش معه من غير مايشوفونه


اهلها : ايوه ووش علمك بعد التلفزيون ؟

توفي : ابد الله يسلمكم صرت اشوف الفيديو كليبااات فاتكم فيديو كليب روبي الجديد
يمه ترى مايمديك على روبي انا اذا كبرت ان شالله بصير زي روبي امحق بنت


اهلها : ايه ووش بعد تشوفين بالتلفزيون

توفي : اشوف ستار اكدميييي

احمد عطيه يحب ميرا  وصوفيا وسميه طلعوا بالنومني
واعرف اسوي زيهم مييييييآآآآآآآآآآآيييييي تتدرب معهم

8
8
8

ابد قالت كلللللل السوالف مافيه شي ميب عارفته وهي بس ست سنوات هذي شلون ان كبرت ؟؟؟


نادى ابو فاتن على ام فاتن وقال : الله يخلف على بنتنا


______________________


فاتن تنادي اهلها : اقول ماتبون تطلعون مني ؟؟

امها : الا حبيبتي طلعيني بس اتركي ابوك عشان بسوي لك العشا الحين

ابوها : وشو وشو وشو ؟؟؟ اها بس اها
فاتن : طيب يالله غمضو ا وقولوا معي وبصوت عااالي :

لي ثلاث أيام ماجاني خبر  واعذاب المولّع بنص كم واعذابه

8
8
8

كلمه السر

وبعد ماقالوها

طلع الاب والام من توفي الصغيرة ووجدوا حالهم بالصالة  وتوفي نايمه على الكنبة

وفكر الاهل شلون بيربون بنتهم بعيد عن الجو الاجتماعي اللي تجري الرذائل فيه زي قولة السلامو عليكم ؟؟

الاب : خلاص بنهاجر

الام : وين ؟؟

الاب : المريخ

الام : نعم ؟؟

الاب : تبين بنتك تطلع زي روووبي

الام : لاخلاص نهاجر المريخ ترى يمدحون اسواقهم كلّن على همّه سرى

الاب : يقولون حريمهن يسقن سيارات

الام : لا اجل هوننا

الأب : يابنت الحلال امزح بلا فشكلااااك راجل معااافن ( فؤاد )
__________________

واللي يبي يربي اطفاله تربيه سليمه الظاهر انه بينحاش بعياله للمريخ زي ابو توفي

انتهى









ملحق الموضوع

وبالمره دامني تكلمت عن البزارين بقول لكم شغله مهمه  ترى اسماء الدلع هاليومين مدري وش تبي

لا ما اقصد انكم ماتدلعون صغاركم دلعوووهم بس بحدود ياخي استغفر الله صارت اسماء الدلع ولا اسماء كائنات فظائيه  اجل هاك اليوم وحنا بمطعم الا وحده صوتها قريب من الكبينه حقتنا وتنادي (( زازااا ))

وساكتين حنّا

الا والصوت يقرب اكثر (( زااازااا ))

(( يازااازااااا ))

ردّت الوالدة عليها وهي تضحك : غلطانه حبيبتي زازا مهوب هنا فيه يوفه هههههه حتى انا دلعي مدري وش لونهو قايل

خييييييييير وش تبي ذي يعني معقوله عبد العزيز بيصير زازا ؟ الله يالدنيااا

خبري اخر دلع لعبد العزيز زوزوو من بعد ماكان عزيـّـز او عزيز  الله يرحم اياام دحيــّــم (( وهو اسم دلع لعبد الرحمن )) الحين صار دحمنـّي الذي تحوّل في السنوات الأخيرة الى (( حمنــّــي )) لعن ابو بليسكم مابقا به شي كل شوين وانتم حاذفين لي حرف

ورزيّــدز رزيّق (( وهو دلع لاسم عبد الرزاق )) ماعاد يسمون هالاسم الظاهر انقرض

ولا البنات الحمدلله والشكر

خوخو- جوجو- طوطو - بوبو - ؤو ؤو اما عاد ؤو ؤو مايمديكم عليه تراه دلع ( لأريج أو أسماء )

توفي - موفي - (( ميّويه )) دلع اسم ( مي )

وماني مطوله السوالف لحد هنا وستووووووب

وكل عام وانتم بخير حبايب ألبي تؤبروني




ونراكم في مواضيع اخرى

ودمتم سالميـــــــــن

اختكم / هيفاؤووه