الموضووع من بنااات افكاري الله لا يهنكم بلا اضاافاات

ياااا هلاا بالمقبلين و الي حظر و الغايبين..

اكتب لكم هذه السطور الغراميه حتى لا يطب بيتكم الحراميه..
قبل لا ابداا بالسالفه
برايفت لسوالف و هيفاؤووه و قهر ..
موضووعي مابييييييييه مثبت تراي ماا احب المظاهر<<<اقووول انجزي!

صارت لي هالقصه صدق السنه الماضيه ..برمضان ..بعد صلاه التراويح ..
مع سويه بهارات نص كميه
بعد ما رجعت لمراجعي..ودفاتر ذكرياتي ..و قوصاصات ماضيي الوردي..
...
لقيت ذا القصمه بينهم قصمه =قطعه..معفوطه ومسفوطه خمس صفطات

.و يومن اقرااها و تنساب من عويناتي
ذيك الدمووع .
قعدت اعيااااااااااااااااااااط....

و بعد العياااط اعيااااااااااااااااااااااط ..

عاد يومني عيطت....




...رجعت اعيط!!! <<<<اقووول اخلصي علينا بس..






وبعد العيااط ... رجعت اعيط
خخخخخ...

بس خلاص ...خلصت عيااط..
و مسكت الكمبيوتر قلت ابي اقولكم وش مكتوب بالقصااصه..

سالفتي هي يومن فكرت اصير من الطبقه المخمليه
و اترك الطبقه الصوفيه ..
كنت بغرفتي بالقصر الصيفي الدور العاشر
الجناح الثمنصعش..الغرفه رقم 3 (ب)<---مستشفى الحرس ذا مب بيت
خخخخخ
المهم يومني فيذاك و بالتحديد تحت سريري بين حزه العشا على صلات الظهر تقريبا..!
جبت صحن.. و حطيت فيه 7 شمعات...و انبطحت تحت السرير..
قعدت اخش جوووو ...
حاولت اخشه بس معيي يخششني و اخش و هو مرتز عند الباااب يقوول هاه طيحتي الكلافه !!
و يوووم خشيته وانا مسرعه ما يردني شي الا و انفلق على صخره الواقع
من مصاقيل اخوي دحيم حسبي الله عليه
و اسمع امي تناديني في الاسفل <<مب عاقله اسفل..
سعوووووووووووووديــــــــــــــــــــــــــــــــــــــــــــــــــــه
سعووووووديــــــــــــــــــــــه و صمخ !!
ردي جعلك بو طبيله انشالله

<<======== ولد اختهااااااا متعنقط في شعرهاااااااا من ورى ودهااااااا تذبحه
(( جعل العيال ما يكثرون ))
<<======== ماعندها إلى اخت ومتزوجه والباقي عيال كثيرين
قالت لي اقوووول ورااك كنك ساكنه بفندق ..

مين بيغسل الصحون ؟؟؟

قمت على مضض و اخذ الصحوون و اغسلها <<<<من النووع الغسوووول

وانا مخلصه وبدخل على الصالة ويشخط قدامي قطووووووو



من سرعته ما شفت الا ذيله
يزحف بيدخل مع الفتحه الثانية بيروح ورى السور ...
المهم رحت للغرفة والمشكلة مثل منتووو عارفين انو الغرفة تطل على
جبال لبنان اقصد سور بيتنااااا .
و ما اسمع لكم الا ..
القطووووووو جلس يصايح
وانا مثل منتوووووو عارفين إني ذهينه
قلت ورى ما اخذ القطوو!!
واربيه حالي حال هالي يربون

والله اخذ عصى المكنسة .....
والفزعة وأروح ورى السور
والقاه جالس يصايح .... تبون الجد انا خايفة بس لزوم الكشخة ورزه عند بنات عمي
والله واجيك زاحفه على البيبان ( كامري ) واعطيها كتف ( توهاااا مخلصه من المبارة )
وتطيح القطوه تصايح تقول ماتعرفين تلعبين انتي
و تننحاش القطوه وانا مسرعه وراهااااا
والحق ما تلحق والقطوووووو كل شوي يتلفت وانا رابطه القميص على بطني
ومافيه إلى
عصاقيل سلوى طالعة


والقطوووووووووو جليل الحياة كل شوي يتلفت
و يدور على السور وانا وراه
ومطارد في السور وأ لحق ما تلحق..
والقطوو يلتفت علي يقول جعلتس الكسار تعبت انا ... إنتي ماتعبتي؟؟؟
مسكين خايف مني.... ترى ماخاف من شكلي ابد !!
وانط عليه هذيك النطة ( تذكرت الدعيع ) وامسكه
وابطحه على الارض وانادي الحكم يعد عليه
<<===== متأثره بالمصارعة

وأهلي يحسبون الحرب قامت...

نقز دحيم بنبيطته و اميمتي سمعت الصراخ ولا ما سمعته جت بالخيزرانه..<<<<ما عندها وقت اميمتي

.. .وسوو اهلي حاله استنفار بالبيت..وتحسوبا لاي طارىء

و اخرتها يومن صدتها ..
.ماااااش ماناسبت طموحي
مهيب مثل الي اشوفها بالتلفزيون ..
و سالت ناس من الي عندهم علووم بهالامور و قالو لي ان البسااس الي تشوفينها ذي
تنباااع مهيب من الي عندكم يالحاره
و اعطوني العنوان ..

اصرخ كووووووووووووووووووووماااااااااااااااااار

ويجيني.. ذا الكومار
وش زينه يدربي بهالراس و اقوله الفراااااررر الفرااااااار
و يركب كومار السيااره
وركبت و احنا بنص الطريق اكتشفت اني ما معي قروووش!
و نرجع البيت و اروح وانا بكامل قوااااي العقليه للصاله
فجأه !!!
لقيت حالي معلقه وسط الدربزين

كان مجرد حادثه بسيطه اعتدت عليها من اخوووي دحيم ..
كان يلعب كوووره و شاتني بدالها ..
الله من صغر الحجم و الخف
واجلس احتري ساعه الا دقيقه وربع لين ما جا ابووي نزلني
المهم نزلني ابووي ولا ما نزلني ..
طبيت فوقه و قعدت اجغفه..
صرخ و بوجهي و رجفني واعطاني لكمه!!! قالي هاااااااه وش تبييييييييييين !!
قالت له هاه!!! و انا علي استحيااائن ..
بستون يبه !
قال وشوووو
قلت هررررره !
قاالي اقوول اخلصي علينا .. وش تبين؟؟ !!
قلت له بسه يبه !! !!!
قالي اها بس اقووول..ما عاد الا هي ..!

قلت له يبه ابغااا بسسسسسسسسسسسسسسسه! ..
قال لي ..
رخيص و الطلب ارخص

<----انا
ابوي: روحي لدحيم خليه يجيب لس اطلقها قطوو بالحارره
عندنا كلش
المخطط مخطط

والملوون ملووون

وان نقص عليتس شي خليه يجيبلتس من حاره خوالتس..
!
يبه افهمني ..حس فيني ..انا..ابيها....بيضا و عيون زرق ..ومتفهمه و مطلعه على الاحداث الراهنه .ابيها...مثقفه ومرهفه الحس و .....تقدر الحياه الزوجيه...
....يبــــــــــــــــــــــــــــــــــــــــــه!!!! ابي زي الي بالتلفزيون...

رفسني رفسه ابووووي ما حسيت الا و انا معلقه بالدربزين !!
ملاحظه:
للي ماعنده خلفيه عن الدربزين الي في بيتنا تراااه مصمم خصيصا لوجودي معلقه فيه
ضاق صدري هالمره من بينزلني
بعداا برهه!!
جتني الشغاله و كسرت خاطرها و نزلتني !
و شفت انه ما من اهلي امل بولا قرش.. ..!
رحت لكوومار ..... ..
قلت له اقووول ياابو العلاقات المشبووهه
ان ما دبرت لي انت و شغاله الجيراان ثلتاالاف ريااااال بظرف ساعه وحده لانا فاضحه امركم
.. و موصلته للجهات المختصه
ما امداي اكمل الا و كومار جايب الفين و سبعميه و خمسه وثلاثين ريال و ساعه سيكو وجهاز نوكيا من العهد الفرعوني..
بعنا الساعه و الجوال و كملنا الثلتالاف
و رحت المحل ادربي دميجتي ...

وش اشووووف وش القااا...
الشيرازيه و الساميه و الامريكيه و الي ميشتري يتفرق<<<عاد انا من النوع الي يشتري <<وش زينن
المهم شفت واحد احمر اعطر عيوونه زرق ما يندراا هو بس ولا رجال ..رحت اتميلح عنده ..
قلت بونجوووور <<<<خربتها البنت
رد على بونسواغ مودموزيل <<<طلع الدنيا ليل وانا اصبح عليه
للي ما يعرف معنى بونجور و مهوب يغرد فرنسي شرواي
البونجور =عمتا صبااحن
البونسواغ=عمتامسائن
المهم قلت له ابييييييييييي و اقوووم اخوورها ..
وش اسوووي قام يطاعني ذا الازرق مني متعوده !!
قلت ابي .....
مير ضااعت علووومي يوم طالع
المهم قلت ابي واحد من ذاااا!!
قال امري امر شوو بديييييييييييييييييييييك ؟
قلت انا :هاه ..ابي بسه ..
قال :ايييي تكرمي من عيوووني @@
واقوول بقلبي ..عيونك خلها لك تنفعك ابي البسه ..
وهو يقوول كذا تذكرت شوتت اخوووي دحيم..
يخلق و يفرق (الحين ذولا كلهم رجال .؟؟ اخوي دحيم و الازرق !!)
المهم و اخذ اطلقها بسه من هناك و قلت له ابي عيونها زرق زيك (اموووت بالاسلوووب)
قالي تبين الامريكيه؟؟
قلت له لااا مقاطعه
قالي الشيرازيه هيدي بتنفع !!
قالت انا ايه حطها لي بكيس و انجز<<<وين حقووق الحيوان عني
و اخذها للبيت و اجيبها عند اخواااني و انا مستانسه بها و تتمشى الضعيفه بالبيت ...
وتجيني اميمتي الله يحفضها تقوولي وش ذاااااااا ..
و تصرخ المكنسسسسسسسسسسسسه يا زليخه ولا نادووو كوماار يشيل ذا البس برا البيت ؟؟
قلت انا يمه وش زليخته و اي كومار.. هذي بستي انا شريتها توو !!
قااالت امي شريتيها ؟؟؟؟ وراااااه.. ما كفااتس بساااس الحاره !جايبتن لنا بس بالبيت؟؟؟
قلت لا يمه ذي غير ذي متربيه و بنت اصوووول يمه وش بتس هذي شيرازيه من ايران !!
رمقتني امي ذيك الرمقه و قالت<<<<ترا امي من النوووع الرموووق!!@@
لاا عااااد !!
قلت ايه ..اجل وش تحسبين..
قالت امي
اجل من خوالها ؟؟ من ينقاالهم !!!
والله شووفي يمه ما يندراا منيب متوتسده ..
بس يقوولون و العهده على الراوي ..ان خالتها ماخذه بستك يا ديانا سبنسر اللندنيه الي ماتت...
و بنت عمها اعرست على بس=قطو بوش الابن بس ما ارتاحو لبعض و تطلقوو..
قااالت: اقووول لا يكثر تطلع يعني تطلع ..
قلت :يمه شلوون تطلع و انا شاريتها ..
امي:لااااااااا و شاريتها بعد ...!! بكم ؟؟
قلت انا هي وعدتها بـ ثلتالاف ريال ...
عاااد انا كملت ولا ما كملت ..و تشطفني نعله على الطاير ..
والثانيه كانت بالطريق بس تفاديتها ..
و انا مع امي الا بدوي هائل بالبيت
والله وما الاقي غير لولي <<<اسم بستي حفضها الله و رعاها..ناجيه من هجوم صاروخي على ذيلها و ذلك في الحادي عشر من نيسان الماضي
وقال شهود عيان(جهير و منيرووه و سحيله ام الخلاقين) ان دحيم و سعيدان..
أطلقوا صاروخا منفوحي الصنع من حدائق تقع بالقرب من بيت المذن لكنه لم ينفجر.
وأخطأ الصاروخ هدفه وسقط في مكان لانتظار السيارات على بعد اربع متراات و نص.
ولم يسفر الهجوم عن وقوع أي إصابات.
فلاكن البنااات المتواجد في منفوحه(ضاحيتنا)صرحوو في تصريحات مب عاقله.. بثتها وكالة رويترز في موقعها على الإنترنت
كان هجوما إرهابيا على ذيلها و ان سعيدان و دحيم هذول تبع نظام صدام حسين (الرئيس العراقي المخلوع)
او انهم تبع تنظيم القاعده..
و انهم يبون زعزعة الاستقرار في بيت ابو دحيم و شركاؤه و بستهم(لولي) و تراهم إنهم يسعون إلى تحقيق نفس أهداف الارهابيه حقين المحيا.
و انقزززز الا و اخوووووي جايب نبيطه و يرجم بهالضعيفه و هي ماغير تناقززز !!
و اخذها و اوديها لغرفتي و اقراا عليها كووود تهجد بس ماااش ...
وبينما انا اقرااا عليها ...
اذ تهوى البسه صريعتن بين يدي على اثر طلقه من نبيطه دحيم ..وكان ذلك في الحادي عشر من نيسان الماضي <<<شرهتكم على الي يدري نيسان وشهو !!


وذكر تليفزيون / بى بى سى/ البريطانى أن يوشينكوف - الحليف السياسي لإمبراطور الأعمال الروسي بوريس بيريزوفسكي - قد أصيب بعدة رصاصات في الصدر في آخر الاغتيالات السياسية التي هزت روسيا ما بعد العهد السوفييتي ..ثمن جاا بعدها بستي التي لقت مصرعها في حادث اغتيال قدام الله و خلقه .. و وصفت التلفزيون البريطاني حادث بستي بأنه عملوون ارهابيوون له دوافع سياسية...و اقتصاديه و اجتماعي ..يستهدف زعزعه الامن في منفوحه..
و ذلك لاني لا سلمت على البسه ولا على الثلتالاف حقت كومار ..

و الزبده من موضوعي
1-اذا مفكره عزيزتي انك تصيرين من الطبقه المخمليه اهمس لك في اذنك (لا يكثر )
2-عزيزي الاب عزيزتي الام الدربزين منظر جمالي بالمنزل اتمنى انكم ما تخربونه بتعليق عيالكم فيه..
3-همسه لاخوي و رفيق دربي دحيم..((روح شوف سيكلك ان كان يقا منه شي)).
4-ان كان عندكم سواق و ماسكين عليه شي ...العبو بحسبته طلبااات
5-ان كان تعرفون احد عن التنظيمات او الجماعات الارهابيه ماعليكم سوا الاتصال بالارقام الي تخبرونه