تنويه: تم إيقاف استقبال ونشر المشاركات للمجموعة البريدية بدءً من تاريخ 18-11-2009 ، على أن نعاود استقبال ونشر المشاركات مرة أخرى بتاريخ 4-12-2009 ، علمًا بأن الموقع مستمر بتحديث المواد، وكل عام وأنتم بخير.
السلام عليكم اشكر الجميع وكل من علق على ايميلي اللي شرحت فيه عيوب الهوتميل اليديد واشكر كل من ارسل رسالة شكر او سؤال او طلب او تصحيح وان شالله برد عليكم كلكم بهذي الرساله --------------- اول شى احب اقول كل اللي طلبوا طريقة وضع توقيع .. انشالله بحط شرح بالصور اليوم او باجر وانشالله الاداره ينزلون الموضوع بأقرب وقت --------------------- سؤال من احد الاخوات: شنو معنى الرموز الي تكون على الرسائل الجديدة والمفتوحة وعلامة القفل وغيرها؟؟ الجواب... بهذي الصوره بعض الرموز اللي واجهتني اما صورة القفل ماشفتها ولو شايفها بعلمج معناها.. المهم شوفي الصوره اللي تحت
--------------------------- سؤال.. من فضلك أخي الحبيب أريد أن أكتب توقيع باسمي متحرك في أسفل كل رسالة فكيف الطريقة الجواب.. هو عباره عن كود معين بحاول ابحثلك عنه ولكن جرب انك تسوي هالكود بالمنتديات وتسحبه للهوتميل يمكن ينفع ..واذا احد من الاخوان عنده هالكود لايبخل على اخونا السائل --------------------- احد الاخوان يقول: Delete وحبيت اضيف على العيوب عدم وجود في اخر الصفحه وايضاً عدم وجود Next احب اصحح كلام الاخ واقوله في نكست وبيرفيو وديليت وكل شى لانها اشياء ضروريه مايقدرون يشطبونها من الايميل وشوف هالصوره وبتعرف وين مكان كل هالاشياء
--------------------------- سؤال.. عندى سوال بخصوص الهوتميل كيف يمكن ان نفتح ملف جديد الحل.. اضغط من زر New واختار New folder وحاولت اصورلك هالخاصيه بس مو راضيه تطلع عندي للأسف والمشكله من الايميل مو مني واحتمال انها ماتطلع عندك نفسي وجذي ماتقدر تسوي فولدر --------------------------- احد الاخوان يقول: ملاحظة بسيطة على هذه الرسالة,,, بإمكانك عزيزي فتح أكثر من رسالة في نفس الوقت و استخدام الرايت كلك و اختيار فتح في نافذة جديدة
أرجو منك عزيزي التأكد قبل إرسال أي معلومة للأعضاء الكرام,, احب اقولك اخوي ان بالبداية ماكانت تشتغل خاصيه فتح في اطار جديد وكانت عناوين الرسايل عباره عن اكواد جافا بس عدلوها بعدين وارجعوا ثاني مره خلوها اكواد جافا وبعدين عدلوها يعني الى هاليوم بعض المرات اقدر استخد هذي الخاصيه وبعض المرات ترجع نفس قبل وانا متأكد من معلومتي وما ارسل للقروب اي كلام ومشكور حبيبي على اهتمامك ------------------ سؤال انا عندي لمن ظهر الهوت ميل الجديد
ما اقدر اودي الرسائل اللي بتجيني مند الجواب .. للأسف اخوي هذي مشكله بعد وانا نفسك مو راضي يطلعلي اختيارات نقل الرساله الى فولدر معين وهالصوره خير دليل
------------------------ سؤال: لوسمحت ابي اعرف الجواب: بلا موجود هالشى بس مجرد اسماء تغيرت روح من فوق عاليمين على option بعدين تختار من اليسار على personal وبتطلع صفحه فيها كلمه باسوورد اضغط عليها وغير الباسوورد وشوف هالصوره عشان توضحلك الصوره اكثر اول شى اضغط على option وكمل مع هالصوره:
----------------------- سؤال: انا عطيت بلوك حق واحد من الشباب بس كل ما حاولت اشوف البلوك سندر عشان اشيله ماني محصل لسست البلوك الجواب: روح على option واختار من اليسار على بعدين Junk E-Mail Protection وبتطلع صفحه اختار منها Block Senders وشوف هالصور تفيدك اكثر:
---------
----------------------- سؤال: الرسايل اللي عندي في الإن بوكس تترتب على أساس الحجم .. وماتفرق أي يوم وصلت .. يعني الرسايل اللي توصلني في يوم واحد ما اتكون ورا بعض .. ألقى واحد فوق والثاني آخر الان بوكس وانا حاولت أعدل هالمشكله من الخيارات .. بس ما عرفت كيف الجواب .. مشكلتج بسيطه اختي ومافيها تعقيد شوفي هالصوره واتمنى تكون واضحه واذا تبين توضيح اكثر انا حاضر
------------------------- سؤال: hi i just want to know how can i put in my emai or add to it a music can u tell me please? هذا عباره عن كود تحطين فيه عنوان الاغنيه.. بس للأسف ماعندي هالكود اذا احد يعرف يقول للأخت الطريقه بس عموما احب اقولج ان كل شخص يسمع الاغنيه اللي حاطتها بتوقيعج بتاخذين بسببه سيئات واكيد انتي اكبر من هالامور.. ------------------ وشاكر للجميع على التواصل وانشالله ان الاداره تنشر هالرساله بأقرب واي سؤال انا حاضر وانشالله مافي شى صعب.. وبخصوص طريقة وضع توقيع.. اقول واكرر اني بسوي شرح بالصور اليوم او باجر ومشكورين ويعطيكم العافيه اخوكم نواف
|
|||||||||||||||||||||||
| اقسام الملتيميديا | ||
2,593
تصميم وبرمجة 