أهلين وسهلين شباب وشابات (ولا يهونون الشيبان) مجالس أبو نواف بالدخل دوغري بالسالفة طبعا أكيد كل عشاق الأربيجي لعبوا لعبةوايلد ارمز على الجهاز الرمادي وكانت من أفضل الألعاب في ذاك الزمان لعدة أسباب أهمها أنها قريبة كثير جدا للواقع وقصتها عميقة جدا جدا وروعة والموسيقي كان لها دور كبير و ما ننسي أهم شي والي هو أنها كانت ثلاثية أبعاد بالكامل بزوايا تصوير مفتوحة وهذا يسمح بزيادة الأفكار باللعبة وتعدد الألغاز فيها الزبدة أن هذي اللعبة راح تنزل على البلايستيشن 2 او التنين الأسود كما يطلق عليه في الشهر هذا أما عن النسخة الأمريكية بتكون في الربع الأول من العام المقبل تابعوا التقرير علشان تعرفون المستجدات

الناشر والمطور : شركة سوني للترفيه
النوع : أر بي جي
الجهاز : البلايستيشن الثاني

الــرســوم
طبعا أكبر تغير في اللعبة المعادة هو الرسوم تخيل الفرق الولي نزلت عام 1997 شهر 4 والجديدة بتنزل بعدها بسبع سنوات وغير كذا أنها على جهاز متطور جدا مقارنة بالقديم , الرسوم بتكون دقيقة ومفصلة أكثر , أوسع , المؤثرات الضوئية لما تسوي سحر أو لما ترمي قنابل أكبر وأعنف بكثير الألوان أكثر يعني بكل بساطة كلشي ضرب 4 وعلى فكرة الشركة تعلمت من غلطتها وماراح تخلي اللعبة بنظام السيل شيدد الكرتوني الغبي وبتكون اللعبة بستين اطار بالثانية بدون اي مشاكل





الأصوات
بالنسبة للأصوات موسيقي البداية الأسطورية مازالت موجوده ماتم أي تغير فيها لاكن طبيعي غيروا في الرسوم أصوات اللعبة مقتبسه بشكل كبير من السابقة لاكن مافي أي تفاصيل أذا كان الصوت دولبي رقمي مثل فاينل فانتسي الجديدة أو لا




نظام اللعب
نظام اللعب زي منتو شايفين بالصور عادي جدا ومافيه أي فرق لاكن فيه ميزه جميل مره بتعجب الكثير والي هي أنك أثناء تجولك بالمراحل راح يطلع علامة تعجب بيضاء فوق رأس الاعب زي منتو شافين بالصوره تحت هذي معناها أنك راح تدخل في معركة عشوائية أذا ماودك وحاس أنك مال من المعارك تقدر بكل بساطة تضغط على دائرة يقوم يكنسلها عندك بس ثانيتين اذا ماضغطت اوتوماتيكيا تدخل المعركة بس بعض الأحيان يطلع تعجب أحمر هذا معناها أنك لازم تقاتل بس لاتكثرون من الغاء المعارك لاأنك كذا ماراح تزود طاقاتك ولا راح تحصل فلوس و كمان في ميزه في كل لاعب أنه يتمتع بقدرات خاصة مثلا البطل يقدر يصنع قنابل هذي القنابل علي سبيل المثال تحطها عند باب تحس أنه شبه مكسر يقوم يفجره وتقدر تكمل طريقة والشخصية الثانية عندها أمكانية أطلاق كره نارية ممكن تضوي لك شموع وتفتح مسارات غير مرئية لك وهكذا كل لاعب عنده حوالي 3 وكلها تحتاجها علشان تكمل مسيرتك


لاحظوا التعجبين الحمر والأبيض



الشخصيات
في الجزء المعدل بتكون في شخصيات قابلة للعب جديده ماوجدت في الجزء القديم لاكن ما ورد أي شي عنهم أبدا


ماغيرهم ربعنا من الجزء القديم


شله جديده ماافصحوا عن اي شي عنهم


وهذولا بعد


أما هذولا الحلوين هم تقريبا الأشرار باللعبة

بالنسبة لي أتمني من شركة سوني أنهم ينزلون اللعبة بسعر رخيص مثل ما سوت كابكوم لما نزلت تعديل للعبة رزدنت ايفل ونزلوها بسعر منافس حوالي 130 ريال للأصلية لانها رحنا ولا جينا تعتبر مهي جديدة كليا قصة منسوخه والحوارات مكتوبة بس مجرد كمية من المضلعات وشوية بهارات وقضينا اذا مانزلت بسعر منافس بصراحه الله يخلي المنسوخ وتخب عليهم وأتمني الموضوع يكون نال أعجابكم والي حاب يستفسر عن أي شي أنا جاهز

انتقل الي ارشيف سنة ... 2002 2003 2004 2005 2006 2007 2008