وتركض وتركض وتركض

منهي ؟

سارة

8
88
888
8888
ماعندي وقت دخلتكم بالقصه دووووووغري


وتركض سارة بنت الخمس سنوات للشباك بعد ماسمعت ابوها يدق بوري سيارته عشان يطلع اخوه ناصر ويساعده بتدخيل مقاظي البيت

وتطالع من الشباك وتقول : باباااا بابااااا

وابوها ( فهد ) يناظرها وساااكت

وهو داخل البيت يغني :

وسارة ياسارة ؛؛ يابنت يا ام الاسواره

وطل من الطاقة ؛؛ وعيونه سود وعشاقه


فتحت سارة الباب لابوها قبل لا يدخل المفتاح

ويناظرها ويقول : ليش تويقين من الطاقة هااااا كم مره اقول لك انه عيب البنت تطالع من الشباك خلاص مافيه فشفاش

هيفاؤووه: بسم الله علينا وش فيك يا ابو سارة توك تغني عيونه سود وعشاقة ؟

ابو سارة : ساكت مايرد علي

هيفاؤووه : بلا بكشرتك ماتسمعني ؟ ليش تهوش على البنت وانت يوم انك داخل البيت تغني وطل من الطاقه وعيونه سود وعشاقة؟

ابو سارة : ساكت

اييييه صح تذكرت اني داخله جوا قصتي واني لو اكلم كل اللي بقصتي ماراح يسمعوني زي ما اسمعهم

المهم هو يحبها بس يبي يعلمها انه عيب اللي يوايق

سارة : انااا كنت ابغى اشووووفك

ابو سارة : انتي على طول يابابا تصدقين ؟ انا كنت امزح معك طالعه زعووووووووول على امك الله يرحمها

سارة : ماما كانت زعوله ؟

ابو سارة : شوي ؛؛ ترى فيه سنتوب جبته لك

سارة : بابا انا صايمه

وانا اناظرها وأقول : ياحبي لك ياسويرة من اول رمضان بتصومين والحين حنا اخر رمضان وكل صوووم ما يبدأ الا قبل الفطور بعشر دقايق يا أبو سارة اتركها على راحتها

أبو سارة :

هيفاؤووه : يابو الشباب سامعني ؟

أبو سارة :

هيفاؤووه : تذكرت اني خيال

________________________

وبعد الفطــــــــــور

خلص طاش ماطاش وبيقلبون القناة على mbc حلو وكذاب

فهد (ابو سارة) قاعد مع سارة بكنبه ؛؛ وام فهد جالسه على الارض ؛ ومنال تبرد مخالبها ؛؛ وناصر منسدح على الكنبه

وانا اطالعهم من بعيد كيفي مو قصتي ؟ لازم احشر حالي فيها

ام فهد : ها ياوليدي وش قلت باللي كلمتك ؟

فهد ( ابو سارة ) : ناصر قم ولع الفديو لسارة بالغرفه الثانيه

ناصر : ماخلصت كنافــتـــي اكل الكنافه ومن ثمن اشغل لها الفديووو

ام فهد بقزة قوية تخلي اللي تقزه يلصق بالجدار اللي وراه >>

ناصر : ان ان اننن ان شالله يمه

هيفاؤووه : حركااااااااات يا ام فهد اموووت على العيون الكحيله ياشييييخه دقي القمري ؛ كفـــــــــــــك

ام فهد :

هيفاؤووه : كفك

ام فهد :

هيفاؤووه : اي صح انا ما انشاف ؛ ؛اسحب ملفك

فهد ( ابو سارة ): يمه انا قلت رايي وانتهى الموضوع زوجتي ماصار لها سنه متوفيه وتبين تزوجيني ؟

ام فهد : من حقي اشوف عياااااالك

هيفاؤووه : ياثقل طينتك لاقمتي تتلككين ياهالعجيّز

فهد ( ابو سارة ) : عيالك وعيالك وسارة مي ماليه عينك ؟

منال : بس ياخوي لما يكون لك ولد غير لما يكون لك بنت

هيفاؤووه : يازينك ساكته انتي أقصى امالك فستان جديد وروحات وجيات بهالمناسبة ؛؛ انا طالعه وتاركه لكم البيت اهدد

العائلة :

هيفاؤووه : بقليط ذبحتوني تتنيح ؛؛ جعلكم لاشفتوني ؛؛ عائلة تجيب الهم

ام فهد : انا اظمن لك العروووس ليش سيارة ؟

مشالله عليها جمااااال وأدب وبنت خالتك ؛؛ والله ان ماخذيتها ازعل عليك دنيا واخره ؛ الله يرحمه ابوك لو كان عايش كان ماخلاك بهالوضع هذا ياويله يامفترية خفي عالراااجل

منال : خلاص يافهد الوالده تبي مصلحتك ولاتزعلها ؛؛ وترى الحين احسن فرصه للخطبه لاننا على ابواب العيد ؛ وبيصير عرسك بالعيد

فهد( ابو سارة ) : على خير

ام فهد ومنال طاروا من الفرح وتم الاتفاق مع اهل العروس ان العرس ثاني يوم العيد
____________________________

بالسوق يشرون ملابس العيد


ذهبت ساره مع عمتها (( منال )) لشراء ملابس العيد ؛؛


دخلوا المحل وسارة تشوف البزارين كلن مع امه

منال : سارة وينك؟ سنه عشان ادورك؟ وقفي اشوف هذا على مقاسك لأ؟

هيفاؤووه : لاتشدين يدها كذاااااا ملعتيها الله يملع يدينك

منال : ادري ماتسمعني

سارة : عمه منال انا بنتك ؟

منال : احلفي ؟ لا انتي امك مسافره ؛؛ وتقول لك اذا ماقعدتي عاقله ماراح تجي تاخذك

سارة : لييييش ؟ يعني ماما ماتحبني ؟

منال: الا تحبك تعالي نروح محل المكياج اشتري لك غلووس

وتقظى الجميع لملابس العيد

______________________________

وغداً هو العيد :


بعد صلاة العشاء جلس (( فهد )) ابو سارة بالبيت الأهل

سارة : بابا يعني وشو عيد

ناصر : يعني عيد يالخبلاا طراطييييع وصب قهوة وحووووسه

فهد : تعالي عندي بغرفتي واعلمك يعني وش عيد

اخذ سارة وراحوا غرفته وقال لها :

عيد يعني كل البنااات الحلوات اللي زيك يتروشون بالليل ويلبسون بجاماتهم وينامون بدرييي

سارة : ليش ينامون بدري ؟؟

فهد : عشان يصحون بدرييييي ويلبسون ملابس العيد الجديدة

سارة : ايييه اللي شريتها مع عمه مناااال الحين اجيبها اوريك اياها

وراحت لبستها طبعا البلوزه بالمقلوب وفوقها جكيت والجزمه لبستها من غير شراب وبالمقلوب بعد كله عشان توري ابوها

فهد : اللـــــــــــــــــــــه مين الحلوة هذا ؟ هذول الناس اللي يعرفون يجاملووووون

سارة : وهي مستانسه هذي اناا

فهد: ايه تعالي اجلسي اكمل لك عن العيد ؛؛ تلبسين انتي هذي الملابس يوم العيد ؛؛ وانا البس ملابس العيد حقتي

سارة : بابا انت كمان لك ملابس عيد ؟

فهد : اجل وش تحسبين ؟ بس انتي ؟

كللللل الناس تلبس ملابس جديده ؛؛ وتشوفيني بنهار العيد لابس البشت

سارة : بابا وشو البشت

فهد : البشت اللي ........... طيب تعالي اوريك صورة عرسي على امك الله يرحمها وانتي تعرفين وشو البشت

سارة بعد ماشافت الصورة : طيب يابابا البسه الحين

فهد : لا بكره الصبح اوريك اياااه

سارة : بابا أبغى بشت

فهد : البشت بس للرجال

سارة : وأنا ايش يابابا ؟

فهد : انتي بنت حلوة

سارة : لا انا ما أبغى اصير بنت ابغى اصير زيك رجال

فهد : لااا يابا انتي بنت زي عمتك منال ؟

سارة : بابا عمتي منال بنت ؟

فهد : حسبي الله على ابليسك لايكثر يابابا لما يطلع لك شوارب زيي تصيرين رجال ؛؛ اذا كبرتي وصرتي زي عمتك منال تصيرين رجال

سارة : اهاا الحين عرفت ؛؛ طيب ايش كمان فيه العيد؟


فهد : وبعد البس البشت اروح لصلاة العيد ولما ارجع من الصلاة ارجع البيت واشوفك كاشخه واقول لك من العايدين



سارة : وهي متشققه من الحيااا

وشوي ولا (( منال )) فاتحه الباب عليهم وتصارخ وتقول : ساره انا كم مره اقول لك غرفتي لاتدخلينها ليش تلعبين بروجي الجديد يامال الصخنه

سارة : .......>> ابغى مااااااامااااااااا

ناصر بعد ماسمع صراخ منال : اقول من زين هالزقم اللي بتحطين عليه روج خرعتي البنيه

هيفاؤووه : فكوني عليها ؛؛ هذي من اول القصه تبي تنجلد ؛؛ واقمز عليها عشان اكفخها لكن ماعندكم احد ؛؛ طلعت خرطي هههههههههه خياااااال


فهد وهو يهدي بنته بعد خروج منال : منال ماتروح بكره معانا الملاااهي

سارة : بنروح الملاهي ؟

فهد : اييييه العيد فيه ملااااهي وحلويااااات ........))الخ

______________________

اليوم هو العيــــــــــــد






صحت سارة من النوم ومالقت ابوها بالبيت ؛؛ خذتها جدتها ولبستها ملابس العيد وطلعت ((زي الأمر)) القمر في روايه اخرى

وعايدت جدتها وعطتها جدتها العيديه اهم شي

وجا فهد وناصر من المسجد .

سارة : اللـــــــــــــــــه بابا انت حلوووو كأنك أمير

ناصر : وانتي وين شفتي الامير يالمفعوصه ؟

سارة: مره عمه منال ورتني بالسوق واحد امير

العائله وقد اتجهت الانظار الى منال



منال: لا ياسارة انتي متلخبطه انتي قصدك يوم وريتك اللي بالتلفزيون هذاك ترقع الاخت

فهد تدارك الموقف وقال : وين الكاميراا

ناصر يالله اقعدوا حول امي بصوركم


وتصوروااا وانبسطوااااااااااورقصوا ويوم جا العصر راحت سارة مع ابوها للملاهي ؛؛ وجا لليل وطلعهم يتعشون بمطعم ؛؛ وهم راجعين لبيت نامت سارة بالسيارة من التعب

تعب سارة يشهد على انها عرفت العيد حق معرفه


__________________________

تزوج والد سارة ثاني ايام العيد ؛؛



بعدما قال لابنته سارة انه اشترى لها اماً جديدة

لم تستطع سارة تخيل ذلك لكنه القدر المحتوم ترى موب مسلسل

وكان يوم العيد اخر يوم تذوق فيه سارة طعماً للسعادة

لترى حياة قاسية مع زوجة اب عاقر لئيمه وعمه متسلطه وجدة تتوفى بعد عرس فهد بسنه ؛؛ وناصر اللي توفى بحادث سيارةه لا امزززززززززح

وناصر اللي اكمل دراسته الثانويه وبعدها سافر لبعثة بالخارج

8
8
8
8

عــنااااااااااد فيكم يانص كم قصتي وبخليها حزينه

كتبت القصه بس عشان تعرفون ان العيد بقدر مايعني السعاده لناس ؛؛ هناك ناس ولله الحمد حرموا من فرحته ؛؛ وان الانسان يجب ان يكون شكور لله عز وجل

وكل عام وانتم بخيــــر

وعيدكــــــــــم مبارك


اختكم / هيفاؤووه لابسه بشت