مرحبتين بأعضاء قروب ومجالس ابو نواف

موضوع اليوم جديد وطريقة عرض جديده
اتمنى انها تعجبكم الطريقة ويجوز لكم الموضوع


اذا ودك تروقون مع الموضوع
انصحكم تسمعون  وتركزون مع الشاعر

على هذا الرابط

ولا تستعجلون على شوفة الصور الى مع الصوت

واذا ما اشتغل قص الرابط والصقه في المتصفح

اترككم مع الموضوع

تــذكــريــن

قصيدة مصورة
اخراج سوالف القايلة
كلمات الشاعر عبد الرحمن رفيع
تمثيـل فريق طاش ما طاش

تذكرين يوم ان وقفت تحت الدريشه..... وانتي من بين الدريشه تبصبصين



انا من يومها على بيتكم ادور ..... آآآآحسد الطالع من بابكم والي يزور



وش كثر خليت اخوك يلعب معاي ..... حتى انه يوم سألني انت ليش رايح وجاي



وهو ما يدري يقول تبي مين؟؟؟ تذكرين


تذكرين يوم ما لقيتك في طريق ..... وانا واقف في كتر وياي صديق
حتى انك يوم تقابلنا ابتسمتي ..... بسمه فيها كل الاشواق والحنين



والتفت صاحبي يقولي هذي مين ..... قلت له من ذي ؟؟ هذي وحدة صاحبة اختي من سنين


تذكرين تذكرين يوم عيد اضحى ..... يوم جيتو انتي واهلك زايرين



عرفتني ريحه الخنة عليكم ..... دوختني ورد ورازجي وياسمين
كنت انا بعيدين يومها ..... عيد حضوركم عندنا في بيتنا وعيد المعايدين



تذكرين دزة فلانه تذكرين السنطوانة ..... وجلستك حول العروس



القمر ليتلها كان ضاوي الجبين شال قلبي من مكانة ...... ضيع نجوم السماء خلاها سوداء ما تبين



احنا وين اليوم من هذا الي راح ..... ليش كبرنا صرنا ما نعرف بعضنا
كانت الايام تركض واحنا نركض ..... ليش وقفنا اسالي قلبك عساة في يوم يلين
تذكرين .....
_________________________________________
_________________________________________

تحية وشكر وتقدير




كل الشكر والتقدير للشاعر البحريني الكبير / عبدالرحمن رفيع / حفظه الله




وكذلك الشكر والتقدير لفريق طاش ما طاش
عبدالله السدحان و ناصر القصبي
على ما يقدمونه من ابداعات

----------------------------------------------------

وآسف على الأطاله