السلام عليكم ورحمة الله وبركاته

ظهر في الأونه الأخيره .. ظاهره غريبه في النت
وهي انه يجي أحد يتقمص شخصيتك ؟؟
ويرسل للناس على انك بحاجه للمساعدة او انك تعاني من مشاكل وفايروسات ؟؟

انا أرسلت الايميل لأنه فيه ناس تسولف في الايميل حقي ؟؟ وانا ما سولفت معهم ؟؟ مدري من اللي يرد عليهم ويردون عليه ؟؟

يعني واحد مرسل يقول لي في رسالته
انا كلب ؟؟ يا ويا ويا وهاتك ياسب ؟؟

انا والله ما قلت له ياكلب ؟ وارد عليه استفسر منه؟
ويرد علي يقول لي تستهبل انت ووجهك ؟؟

ما رديت عليه وقلت طنشته ... وأتفاجأ القاه يسب امي وابوي وكأني راد عليه او ارسلت له شيئ خلاه يسبني ؟؟؟

الي فهمته انه في احد يرسل له على انه انا ويرد عليه على انه انا .. ؟؟

-----------------------------------

بعض الأخوة والأخوات .. راسلوني على اني مراسلهم وانا والله ما راسلت أحد ؟؟

الأخت سندريلا جزاها الله خير ارسلت لي من المجالس وحذرتني لأنها حست ان اللي يتعامل معها واحد حرامي او هكر ؟؟
وسوت لي كوبي للايميلات اللي ارسل لها على أنها مني !! وقسم بالله انهبلت
يكتب بنفس الاسلوب العامي اللي اسولف فيه مع ربعي في الايميلات وفي المسنجر حقي ؟؟
والاكثر دهاء انه يحط نقط بين الكلام مثلي بالضبط

مثل .... كذا

-------------------------------------

أعتقد سوالف القايله
تعرض لنفس المشكله

وما كتبت هالايميل الا بعد ما غيرت الباسوردات حقتي كلها ... حتى لا تتكرر المشاكل

وخفت ان يكون البعض يعاني من نفس المشكله وبدون علمه ... ؟

وياليت الكل .. خاصة المعروفين في القروب وعلى راسهم ابونواف .. ينتبهون لا يستغل احد اسمائهم ويرسل للناس متقمصاً شخصياتهم
لأنه فيه برنامج او حركه يقدر فيها الواحد يرسل للناس على انه انت اللي مرسل لهم ؟؟

--------------------------------

سبحانك اللهم وبحمدك أشهد أن لا إله الا أنت أستغفرك وأتوب إليك