ما ودي اطول عليكم المقدمة باختصار شديد صارت لي سالفه
وبقولها لكم على السريع

.
.
.

)))))القصه واقعيه(((((
.
.
.
.
في يوم الاحد الموافق 8/6/2003م

طلعت العصر من بيتنا ما عندي من الشيطان طريق
مريت كم محل اعمل شوبنق وشي شوبنق ذي
ماعلينا

وصلت شارع العليا
شارع ثلاثين العليا بالظبط

ادور محل دايم اشتري منه ملابسي الرياضيه >>>> مهوب عاقل توم كروز يمدحون البطحاء
الزبده اني وصلت المحل وشفت في الفترينه اشياء حلوه قلت خليني انزل اشوف وش فيه


قعدت اتمشى في المحل الرياضي كان عندهم اشياء حلوه ورهيبه
شوي الا واسمع صوت زعقه غراب ( قاااااااااااااااق )

قاااااااااااااااااااااااااااااااااااااق

ارتعت

قمت اناظر يمين ويسار وجع وش ذا

شوي الا الغراب يزداد بالصراخ وصار بدل النعيق يقول هاااااااااااااااي ماي فريند


خير انشالله بدت الغربان تحتسي انجليزي

والله يوم دققت النظر الا ثنتين لبنانيات داخلات محل الرياضه
لابسين عبايات ليتهم مالبسوها كنهم سوبر مان

وادقق اكثر واكثر

واكثر واكثر واكثر

واكثر واكثر واكثر
.
.
.
.


قاااااااااااااااااااااااااااااااااااق

الا والله هذي رزان مغربي

هااااااااااااااااي ماي فريند وسط المحل


انا اناظر واقول بنفسي وجع محناب في بوبس اند توبس وش هالزعاق يامال اللسنه
والله اني خفت اظلم رزان قلت لا مهيب هي كن الشبه مهوب الي انا خابر

وفي خلال هذه اللحظات رن تلفون صديقه رزان
واذكر رنه التلفون كانت نغمة اغنيه ياغالي انشغل بالي

والله القديمه بعد

وانا استرق السمع بطرف اذني
الحوار
صديقه رزان : اهلين حبيبي
التلفون ........................
صديقه رزان : اي حبيبي انا معاي رزان وجايينك عالبيت بس نخلص شوبنق
التلفون ....................... : اي حبيبي انشالله باااااااااااااااااااي
التلفون ...................... وش بيقول بعد

ملاحظه
وش الي بجيك ومعي رزان وفي الرياض
شكل الرجال عازم زران وخويتها في الفطيره الدمشقيه
عندهم عش البلبل على الكيف

بعد المكالمه ايقنت انها فعلا رزان مغربي
عاد بدأ يتميلح سوالف القايله

المهم قلت ياولد عيب اخاف يفهموني غلط الي بالمحل اني اغازل او شي
خلاص مهوب لازم الله اكبر يعني عشانها طالعه بالتلفزيون

انا طالع في التلفزيون في برنامج مع الناس __ مع المذيع الرائع سليمان العيسى __
مهوب مقابله بس اذكر اني اسلم ورا الكيمرا   ¦المحل
ركبت سيارتي

وش رايكم بالاكورد
قبل لا احرك وامشي جت رزان مغربي واثاري سيارتهم هي الي جنبي على طول واقفه
عشان تركب سيارتها
ومن حسن الحظ جت رزان في الجهه الي عندي

انا : ودي احتسي واخيرا قويت نفسي وفتحت الشباك وهي عند باب السياره

قلت لها

الله من الملح الزايد
لو سمحتي اختي


قالت لي بشين نفس

شو شوووووووووو

يوم التفتت علي بوجهها من قريب ياليتها ما التفتت



والله ياجماعه الخير ان خشتها كنها كوع ريحه
وش خرايط وش نفر وش شخابيط وش وش وش
وقصيره كنها ربع توله
انا قلت وجع وين ذاك التميلح الزايد ولي بيحبونا يتابعونا

كل ذا قلته في نفسي

قلت لها
لو سمحتي اختي انتي رزان مغربي

قالت لي بكل مصاله


لا حبيبي انا مو رزان انا اختااااااااااااااااااا
كلهم عم بيقولولي هيك بس انا مو هيا
ثم صفقت باب سيارتها الهونداي اكسنت بوجهي

الله من زين السياره
كنها قبووون >>>>>>>> ( خنفس البر) اخر مره شفته في نفود شقراء عام 91
وسلملي على الي مستضيفها عارف لها مستاجر لها هونداي بـــ 70 ريال في اليوم
من فوقها

انا صراحه بعد ما صكت باب سيارتها بوجهي قبل لا اكمل كلامي تغير وجهي

وراحت الابتسامه وبقت سنوني عيت تدخل واحمر خدودي

وش دعوه وش هالغرور
ما تدري رزان ان الغرور مقبره النجوم

السالفه هذي صارت معي البارحه في الرياض في حي العليا شارع الثلاثين بالظبط
ولولا اني اخاف اشوه سمعه المحل الي صارت فيه السالفه لذكرت اسمه

وبعدين والله احس اني افضل من رزان عاد الله واكبر يارزان وشي زايده فيه
عشانها تبطح على الكنب في برنامج بوب اند توبس

انا اتبطح في مجالس ابو نواف

مقارنه بين سوالف القايله ورزان مغربي


رزان المغربي


كوع ريحه

النفس

نعال على الطبيعه .. وانواع ثقل الدم اسالوني الهندي حق المحل بغى يطردها
تكاسر وش هالمذيعه الي تكاسر تبيه يخفظ لها عشرت اريل

الجمهور لا يتعدى 700 بزر

كل جمهورها بزارين ومراهقين
وعني انا اذا جاء برنامجها غيرت القناه
وحطيت برنامج مع الناس

لو سالتم عنها القوقل Google
والله العظيم ما طلع لي الا بلاوي تفشل

صوره زي قلتها
ونص الصفحه محجوب لامور الله اعلم فيها
_ _ _ _ _ _ _ _ _ _ _ _ _ _ _ _ _ _ _

سوالف القايله

كله ملح >>>>> ايه هين

النفس

انتم خابريني اوسع من صدري مافيه
واشيل الكبير والصغير فوق راسي واكره مالي الغرور
والي المس من كلامه الغرور احاول اتحاشاه قد ما اقدر
وهذي طبيعتي

جمهوري اكثر من 50.000 الف مشترك واكثر والحمد لله


الحمد لله منوع والكل يحبني بدليل رسائل الاشاده من الكبار والصغار
واكثرمن رساله اخرها من السفاره السعوديه في الصين
تشكرني على رساله رحله للقصيم...... سفاره السعوديه بالصين كلهم قصمان
عاد يا ملح القصيمي يحكي صيني شنج اويلاه
ورساله من اكثر من كاركتير سعودي يشكروني على رسائلي
وهذا ما يشجعني على الاستمرار
ورسائل من شتى العالم العربي

لو سالت عني القولقل Google


ماراح تلقون عني الا كل علم غانم وكل علم يسركم
تفضلو بقسمي الخاص الله يحيكم
ما عندي شي محجوب او قله حيا الحمد لله

في النهايه احب اقول كلمه صغيره

اوجه شكري لكل النجوم الي صارت لي معاهم لقائات مباشره وكانو قمه التواضع
وعلى راسهم

الفنان المصري ا لكوميدي المعروف المنتصر بالله

قمه التواضع والادب والاخلاق يستقبل الصغير ويحيي الكبير والصغير
وسوف ترون لقاء قريب انشالله اجريته انا مع فنانا المحبوب / المنتصر بالله


الفنان الكوميدي الكويتي / طارق العلي

طارق العلي الذي التقيت به مرتين في الرياض وفي البحرين
قمه التواضع ان يدخل الكوفي شوب ويلقي السلام على الموجودين ويطلب مني ان اجلس معه على الطاوله
مره ثانيه لازم انقل لكم لقاء خاص مع طارق العلي بس خلوني اصيده
طارق شخص انا احترمه كثير لتواضعه مع الناس وهذا شي شفته منه
اكثر من مره بدون اي تصنع ماشالله عليه

والكثير من الفانين الي ينحطوت على الجرح يبرأ

مهوب مثل شينه الحلايا

بالله هذي مذيعه ....... اقول الله يخلي المكياج والله لو تشوفونها ان ترتاعون
قسنمبالله بدون مكياج ان تسنها اسماعيل ياسين في فلم ابي فوق الشجره وش هالفلم الجديد

مو مهم الشكل عاد من زين المنتصر بالله ولا طارق العلي
بس اهم شي التعامل والاخلاق ونترك الخلق للخلاق ( سبحانه وتعالي)

مع اجمل تحياتي لكم

اخوكم سوالف القايله