حيالله اعضاء قروب أبو نواف

قبل ماأبدى الشرح ودي أفضفض شوي عن مساوئ بريد الهوتميل الخايس بوجة نظري الشخصية المتواضعه

1- دايم أغلب الروابط ماتشتغل  لازم تنسخها وتلصقها بالمتصفح

2- حجم الايميل 2 ميقا كأنهم مانين ببريدهم  الغبي

3- واجهته الغبيه الكئيبة الغامقه اللي تجيب لي الهم اذا دخلته

4- استخدامهم لتقنية الاس اس أل  اللي على بالهم حمايه وهم كل يوم مخترق  موقعهم 

5- ماعمري  شفت أحد الا وقالي بريدي أنسرق

6- وأكثر بريد تجي عليه  رسايل شركات بريد الهوتميل

7- لو الماسنجر حقهم كان ماأحد قبل عليهم علشانه عربي ولا ماسنجر الياهو أفضل منه بمراحل

8- لاحظتوا أني طولت بوجهة نظري ؟؟  نجي للشرح

فيه كثير من مشتركين بريد الهوتميل ماتظهر عندهم الصور  ويطلع مكانها مربع رمادي

وحل المشكله هذي  سهل ان شاء الله بس ركزوا بالشرح 

قبل مانبدى بالشرح  هذا رابط تحميل الصور كلها علشان اللي ماتطلع عندهم يقدر يشوف الشرح بالصور  اذا ماظهرت عنده بالرساله

اضغط هنا

اذا مااشتغل الرابط مثل العاده نسخ ولصق بالمتصفح

نجي للشرح

هذا شكل الصوره اذا فتحت الرساله بالهوتميل يظهر عليها لون رمادي 

ماعليك بالحاله هذي الا انك تظغط الرابط المحدد بالاحمر فوق  وبعدها راح تظهر معاك الصور 

-----------------------------------------

طيب  فيه ناس راح يقولون انه مشوار أضغط على الرابط مع كل رساله 

أوكي تقدرون تعدلونها من خيارات البريد نفسه 

نجي لشرح الخيارات  والظاهر الصوره أبلغ تعبير من كلامي

تضغط على كلمة

 Option

بعدها تختار من اليمين 

Mail Display Settings

تنزل تحت في أخر الخيارات  الى

Display Internet Images

وتحدد الخيار الاول وهو

Display Images automatically

وبعدين تظغط على

OK

وبكذا خلاص  راح تظهر معاك الصور  في كل الرسايل

مع أجمل تحية مني

أخوكم أبو نواف