صور : بيوت صغيرة بأقل من 800 ريال

الرئيسية20122012/04 » صور : بيوت صغيرة بأقل من 800 ريال

بيوت صغيرة طاحوا فيها الأمريكان والدعوة مهيب استهبال والا عشان التصوير والشهرة
صاروا يحبون هالبيوت ويسفطونها ويسحبونها بالسيارة
هالبيوت مصنوعة من مواد بسيطة جداً ولا تكلف أكثر من 200 دولار يعني لو انك طالب جامعي يمديك كل شهر تفتح لك بيت جديد وتغير موقعه مرة يصير يفتح شرق ومرة يطل على طريق الملك فهد وكل ما وصلوا الخدمات لحي جديد تصير أول من يسكن فيه
المصمم الأمريكي "ديريك" أكد في مقابلات صحفية أن هدفه صنع غرف صغيرة تتوفر فيها كل المتطلبات الأساسية وتجمع كلها تحت سقف واحد تحت شعار (دافئة وصديقة للبيئة)
أحب أقول لديريك إن كان اللي معطلك انك تبيها صديقة للبيئة فنزلها للسوق لو هي صديقة للتغير المناخي وثقب الأوزون بس استعجلوا بها عندنا ناس هنا ما ترحم شقلوا أسعار العقار الين صرنا نسمع عن المتر بثلاثة الاف 
الغريب في الموضوع أن تصميمات هالأجودي صارت تلقى زباين من كل حدب وصوب في امريكا

بقى معلومة أخيرة يمكن تصدمكم بعد الأحلام الوردية من الكلام اللي فوق أن هالبيوت صممت عشان تشيل لها شخص واحد بين جدرانها
وبالتالي اللي يحلم بمنزل العمر يروح مكان ثاني ويبحث عن أفكار غيرها ... لسا بدري

شاهد صور البيوت الصغيرة..
يمكن يعجبك أحدها
























 


تابعوا جديد شبكة أبونواف على فيس بوك وتويتر

   

عن الكاتب
عدد النقاط: 10 نقطة

صورة فهد التميمي

تابعوا جديد شبكة أبو نواف على:

التعليقات

  • تصلح للطلبه اللي يجون من خارج المدن للدراسه وظروفهم الماديه ماتساعدهم في وقت الغلاء للمساكن 8)

  • 3
    نواف الخبر (زائر)

    حبيبي هذي تكرم بيوت كلاب او عشة عصافير ماتصلح للاوادم

  • هذي اسمها علبة ! البيت فيه عناصر رئيسية مثل الحمام والمطبخ وهذي اشياء ما تتوفر في هذا الصندوق

  • تطوير: SharedTech