الساكت القتال

العيد عاد وجيت انا بزين الأقوال
بحروف شعر(ن)وسط باقة أنيقه

ودي اهني من خذ القلب والبال
احلى التهاني من صديق لْصديقه

عيدك سعيد(ن) يا بعد كل الازوال
ياللي بشوفك تنجلي كل ضيقه

كتبتها وارسلتها بوسط جوال
حتى تجي لصويحبي في دقيقه

مير القهر كل القهر مابه ارسال
البرج حِمّلْ فوق ماهو يطيقه

لا يا رسايل هاتفي ليلنا طال
واعجزت لالقى للتهاني طريقه

انا اشهد إن البرج للعيد يغتال
هذي التهاني في بحوره غريقه

يالهاتف النقال منتاب نقال
وشلون ماتنقل تهاني الخليقه

ياليتهم سموك ساكت وقتال
((الساكت القتال)) هذي حقيقه

العيد راح ولا بقى يسعد الحال
غير العذر بين الرفيق وْرفيقه

عبد الله محمد اليحيى

... حيزوم ...

تابعوا جديد شبكة أبونواف على فيس بوك وتويتر