السلام عليكم ورحمة الله وبركاته ،

أبلشتك مشاكل تسجيل الدخول بالماسنجر ؟! .. أبلشتك اخطاء المسانجر ؟!
تحس إنك كرهت الماسنجر .. من كثرة الاخطاء ؟! .. تحس إن ودك تحذف الماسنجر من جذوره من كثر ما هبل بك اذا بغيت تسجل دخولك وكل دقيقتين ناط لك رقم خطأ جديد .. ؟! لا تتعب ..عمرك .. بهذا الشرح .. حل 80 % من مشاكل تسجيل الدخول .. .. ! ماودي أطول بالكلام .. خلونا نبدا بالشرح .. ،

وقبل لا ابداء بالشرح فيه ملاحظه وهي : إن 50 % من مشاكل تسجيل الدخول بالماسنجر من الاتصال ومزود الخدمه .. فياليت يتم التأكد من مزود الخدمه وحالة الانترنت .. قبل استخدام الاداة ..
خلونا نبدا الشرح ..

في البدايه نفك الضغط عن البرنامج ونشغله .. ..



بعد مانشغله .. تطلع لنا هذه النافذه .. نختار رقم الخطأ.. !



بعد ما نختار رقم الخطأ .. نضغط على زر ripara وراح يتم حل المشكله .. وبكذا انتهى الشرح .. !

للي مافهموا .. والمبتدئين بالنت خلونا نسوي تطبيق عملي ..

فرضاٌ الماسنجر رفص يدخل معنا .. وجربنا كذا حل وماضبط وش نسوي ..



أول شي نروح .. للمسن .. وناخذ رقم الخطأ .. ! مثل ماتشوفون بالصوره تابع الشرح ..



بعد ما أخذنا رقم الخطأ .. نروح ونشغل الاداة .. بعد مانشغل الاداة .. نشوف القائمة إلي على اليمين .. وندور رقم الخطأ .. أذا حصلناه .. نحط إشارة صح على الرقم .. تابع الصور ..



بعد .. ما حددنا رقم الخطأ .. نرعص على كلمة ripara بالقائمة إلي على اليمين .. وونتظر لين يتم اصلاح الخطأ ونسجل دخول
وبإذن الله راح يدخل معنا الماسنجر

ولا تنسون إن 50 % من مشاكل تسجيل الدخول بالماسنجر من الاتصال ومزود الخدمه .. فياليت يتم التأكد من مزود الخدمه وحالة الانترنت .. قبل استخدام الاداة ..

وبكذا إنتهى الشرح

لمشاهدة الشرح بالفديو على اليوتوب إضغط هنا

لتحميل البرنامج اضغط هنا