صباحكم فل وياسمين
الجزء الاول :رحلتي الى سيقيريا Sigiriya
هذا الجزء الثاني ومخصص لمنطقة دمبولا في سيرلنكا
طبعا غادرنا فندق امايا ليك في سيقريا وكانت وجهتنا مدينة كاندي ولكن مرورنا بمنطقة دمبولا
كان لازم نوقف بالمنطقه هذي مو عشانها حلوه لان فيها رحلات السفاري على ظهور الفيله
وزيارة مزارع التوابل والمواقع السياحيه والمصانع
كا ماتبعد عن العاصمه تقل الزحمه وعموما منطقة سيقريا لايوجد بها زحام
ولاحظنا خلو الطرق بعد غياب الشمس
اول شي رحنا له في دمبولا هو مصنع الاقمشه وكان جميع العاملات بالمصنع بنات
محل عرض منتجات المصنع
عند دخولنا المصنع كانت هالمزيونه تشرح لنا
الصراحه ان نسبة الجمال في سيرلنكا عموما تحت الصفر
هذي طريقة الرسم وخطواتها المتعدده والتي تبدا بقلم رصاص
وهذي اخر الخطوات وهي تثبيت الالوان
لاحظنا اكثر من مره ان الناس يستخدمون الحطب وعند سؤالنا السائق اخبرنا بأن الحطب متوفر في كل مكان
والغاز والكهرب لايقدر على تكاليفه معظم السيرلنكيين
ابتسامه سيلانيه من الاذن للاذن
طبعا مع حركة اليد يقولون لك ايبوان وانت ترد نفس الشي
وراح تسمع هالكلمه بكل مكان بالطائره بالمطار بالمطاعم بالفندق لازم تعرفها لانهم يتشققون اذا قلتها لهم
هناك تعلمت كلمتين بس ايبوان تعني مرحبا وكلمة استوتي وتعني شكرا
خويي ابتلش بهالكمه عجز يجيبها صح كل شوي جايب كلمه من راسه وتطلع سبه يالله نفكه منهم
كان مقابل المصنع مدرسه والظاهر كانوا بوقت البريك وطبعا ماهم زينا يلعبون كوره عندهم لعبتهم المفضله
اللعبه المفضله في سيرلنكا هي الكريكت مثلها مثل الهند وباكستان
هذي تحيه لكم من هالورع السيلاني
واصلنا طريقنا للبحث عن رحلات السفاري
وصلنا لرحلات السفاري وكان برنامجهم رحله على ظهور الفيله ويعبرون النهر والغابات
بس كان الجو حار والشمس حاره اكتفينا بالتصوير وبعدين شبعنا من الفيله بتايلند
الفيله تتسبح حتى شوفوا الفيل الاخير حاط الفوطه على كتفه
شوفوا الفيل الصغير تراه تمردغ بعد هالحركه خخخخخخخ
سواقنا بوذي والسياره كلها تماثيل واصنام ولاقدرت اصور من التماثيل قلت له ياخوي شوف لنا صرفه مع ربك
حطه بالشنطه والا نزله بالفندق تراك ابلشتنا وبعدين وش هالاسراف 20 رب عندك
وافق انه يحطهم بالشنطه قال بس الصوره هذي لازم تكون على الطبلون قلت ماهي مشكله دام صوره
بس يوم فتحت الشباك ابي اصور طار ربه
والرجال زعل ووقف بنص الطريق يجيبه قلت له وش فيك خايف عليه خله يفزع لنفسه اذا يقدر
واصلنا طريقنا وكانت وجهتنا مزارع التوابل
اعجبني الطريق والاشجار تغطيه
الكل يمشي على الطريق السيارات والناس والحيوانات
هذي سيارتنا وهذا سواقنا تراه ابلشني يقول حط صورتي بالنت
وترى رقم السياره للبيع
وصلنا بعد ساعه ونص لمزارع التوابل
دخل معنا مرشد سياحي وقعد يشرح لنا عن الاشجار
اول الاشجار كانت شجرة الهيل
وهذي شجرة الهيل
الفلفل الاسود
شجرة الفلفل الاسود
شجرة القهوه
شجرة المطاط
القرنفل
شجرة القرنفل
جانب من المزرعه
القرفه
شجرة القرفه
شجرة الفنيلا
واللي بالقاروره عصارة الفانيلا
الاناناس الصالح للاكل
والانواع الباقيه تستعمل للعلاج
الفاكهه هذي تسمى جاك فروت
الظاهر مسمينها باسم اللي اكتشفها ومن الاسم شكله اوروبي
الزنجبيل
شجرة الزنجبيل
الكركم
شجرة الكركم
واذا جيت تطلع تمر على هالمحل اللي يبيع منتجاتهم لكن اسعارهم خياليه
طبعا سواقنا زيه زي كل الشيبان يمشي 40كم وطفشنا قلت له ابي اسوق وعيا قال سيارة الشركه
قلت له يارجال انت غشيم اصلا وتقول هالعذر اصلا انت خواف والظاهر ضربت على وتر حساس
شوفوا وش سوى بعدها خخخخخخخخخخخخ
اضغط على الصورة لمشاهدة الفيديو
شوفوا كيف يسوق بعد ماجاته ام السيرلنكيين
بعد مطاره لهالسنجاب مسكته بنت وقلنا نصوره لكم
السنجاب جربوع مطور
واصلنا رحلتنا بهالمناظر الجميله
وصلنا اكبر معبد في سيرلنكا
مادخلنا داخل المعبد واكتفينا بتصويره من الخارج ويرتفع التمثال حوالي 15 متر
ربهم متربع فوق هالبيت ويقصص اظافره
انتهت رحلة دمبولا والرحله القادمه مدينة كاندي الجميله
33,524
تصميم وبرمجة 
ترتيب بواسطة:
فللللللللللللللللللللله | 26/09/2007 03:56:44
بصراحه موضوعك تووووووووب
شي يستاهل الواحد يقراه
تسللللللللم عـ هالتقرير المميز
قواك الله
روعـة وذوق وفــــن | 26/09/2007 03:56:56
تســــــــلم هــــــــديات ياخيي بصــــــــراحه روعه وذوق وجنــان وإحتــــــــراف مشاء الله عليــــــــك في التصــــــــوير
أشكــــــــرك(أستــوتي) على حسن إختــــــــيار لروعـة الأمــــــــاكن الحــــــــلوه
بصــراحه رحله موفقه واختيار سديد
مهيب هينــه سيرلنــــــــكا
استوتي من جديد خيي
ماننحرم من إبــــــــداعك المتمــــــــيز
أختــــــــك
@قمــــــــر الكــــــــون@
مبدع دووووماً يافايز | 26/09/2007 03:58:12
الله يعطيك العافية موضوع اكثر من رائع وتسلم على المواضيع الرائعة بس ماودك تاخذنا معك جولة انا وشلة 801 معك فكر فيها وعطنا خبر
يسلموووووووو
عساك ع القوه | 26/09/2007 04:16:00
الله يرجك يافايز هبلت بالسواق هههههههه
ماشاء الله عليك اتابع تقاريرك باستمرار وهذي اول مره ارد بالمنتدى
مبدع كالعاده اخوي فايز وننتظر رحلة كاندي بس بسرعه
ابداع لا حدود له | 26/09/2007 05:21:44
ما فيه رساله تشدني الا اذا اشوف اسمك عليها وذالك لمواضيعك المميزه والمشوقه تسلم على كل الموضيع
ايبوان اخوي فايز | 26/09/2007 05:33:44
وربي ضحكت من القلب عليك انت والسواق هلكت ابو جده
موفق اخوي وانتظر جديدك : )
يااااهووووووه | 26/09/2007 06:04:55
موضوعك روووعه ودايم متميزززززززز
يعطيك العافيه
مبدع , | 26/09/2007 06:06:04
مبدع دائما اخوي فايز برحلاتك وتصويرك
الرائع ,,
اتشارك انا وانت بحب السفر .. زرت اغلب مدن العالم .. لاكن انا لست من النوع الذي
يهتم كثيرا بالتصوير .. واعترف ان هذا خطاء
اخر رحلاتي اتيت منها قبل رمضان بثلاث ايام
وكانت الى ايران ..
لك فائق تقديري ,,
صور جميلة | 26/09/2007 08:14:39
السلام عليكم
صور جميلة وملفته للنظر واكثر ما لفت نظرى الفاكهة الغريبة ..
جاك فروت واظن والله اعلم ان اسمها ليس على اسم المكتشف بل على اسم جك وهو الدورق باللغة الأنجليزية ..
وبانتظار صور لرحلات قادمة ان شاء الله وفقكم الله
مـــــا شـــــاء اللـــــــه علـــيك | 26/09/2007 10:39:02
تسلم اخوي فايز عــــــــلى التقارير المميزه
وتسلم على خفــــــــة الــــــــدم
دايم اسافر مــــــــعك برحلاتك وادخل جو
احس اني مسافــــــــره معك طريقتك وترتيبك للصور وتسلسل الرحــــــــله يخلي الواحد كأنه يقرأ روايه بالصــــــــور
الله يعطيك عافيه وننتظــــــــر الرحله القادمه
اختك فله...
woooooooooooooooooow مششاء الله | 26/09/2007 10:45:33
الررررررررحله خطيرتن مرررررررره
بس وراك ما تعزم يا كااافي
بس ما عليك المره الجايه راحيه رايحه الله لا يعووووووووق
وشكرا مرره اخرى لتعاونكم مع تحيات الجوال :P
يعطيكم العافيه | 26/09/2007 12:02:49
بنوته الله يسلمك ويعافيك
قمر الكون
ودي ارد عليك بالسيرلنكي بس للاسف نسيت اسألهم عن عفوا والا لكن استوتي جزيلا هههههههه
السهران
800 كلهم بيروحون معي؟ ياخوي تغرق سيرلنكا
ابوفواز
لوتشوفه حركاته ماتلومني باللي اسويه فيه
ابراهيم
تسلم اخوي كلك ذوق
قمر جده
يعطيك العافيه وش فيك تدافعين عن السواق؟ صدقيني يستاهل اكثر
الزعول
وش مزعلك؟
تسلم ويعطيك العافيه
مشعل
اشوى حصلت واحد يشاركني
بس حرام عليك ماتاخذ معك كاميرا وتصور الاماكن اللي تجيها وبالنسبه لايران افكر فيها والله خصوصا العروض الموجوده بدبي
سامر
تسلم اخوي سامر انا توقعت معناها كذا ماني متأكد
ومنك نستفيد
استوتي
الحمد لله ع السلامه | 26/09/2007 13:42:53
أخووي فايز تغطية رائعة ما شااء الله تبارك الله
والله ما كنت متوقعه إنها بالشكل هذا
مشكوووووووور على الصووور الجميلة
رااااااااااااااائع | 26/09/2007 13:57:11
سيرلانكا تستاهل من يزورها
بس عسى الوضع هناك امان ولا فيه مشاكل من ناحية السرقة؟؟
وحلو رقم السياره فعلا مميز ماقالك بكم يبيعه هههههههه
الله يعطيك العافية
رووووعه المناااظر ..... | 26/09/2007 14:25:14
رووووعه هالمنااااااااظر ........
زي اللي نشوفها بتقارير التلفزيوووووووون ........
بس زيين السرلانكي ماااشمع بجحش ولا بعااااااااموود
كان تتوب تقوله اسرع ......
موضوعك اكثر من رائع | 26/09/2007 16:16:43
احلا مافي موضوعك تعليقاتك وردات فعلك
بهذلت السواق هو وربه هههههههه
تسلم ننتظر المزيد من رحلاتك
الحمد لله على السلامه | 26/09/2007 22:13:09
يعطيك الف عافيه اخوي فايز
تقرير رائع
الكثير كلموني عن سيرلانكا بس ما اقتنعت حتى شفت الصور رايح ازورها انشاء الله
في اقرب فرصه ولا عدمناك يالغالي .
بس سؤال اذا اجبتني مشكورا ماهي عملتهم وكم تكلف الرحله لشخصين تقريبا
وعدد الايام الي تستاهل الجلوس فيها يالغالي وهل فيه منطقه تستاهل الزياره غير ماذكر وتحياتي لك .
اعترف | 26/09/2007 22:17:15
تسلم اخوي صوووور من جد تهبل واكثر شي عجبني اشجار البهارات شي الله يزيدهم من فضلة .... بس ياخوي اليد اليّ شايلة السنجاب انت متاكد انها يد بنت ياخي هذي يد ضب وعربجي بعد . اخوي فايز اعترف هذي مهي بيدك ، خخخخ عااادي وانا اختك الرجال مايعيبه شي خخخخخخخخ .
مشكوووووووور اخوي على الموضوع .
. . . | 26/09/2007 22:31:17
موبايلي شكلك عندك محل جوالات هههههههه
اشوا ماحطيت اسعار الجوالات
شكرا لك
ليان
سيرلنكا اجمل من كذا بكثير ولاشفتي شي للحين انتظري الاجزاذ الباقيه
خالد
نعم احوي سيرلنكا امان والشعب طيب ودايم مبتسم
aprel
ليت السواق شمع بجحش شمع بشجره بس انا قطعت اللقطه >>>>>>>>نصاب
مزون
تسلمين ويعطيك العافيه والقادم اجمل
رحلات موفقه | 27/09/2007 03:00:54
تقارير احترافيه بحق
تمنيت لو تنشرها ببعض المجلات المتخصصة لتحصل على ما يكافىء جهدك الرائع
بارك الله فيك ووفقك
يعطيك العافية | 27/09/2007 04:53:05
بصراحة اشكرك على هذا الموضوع الجميل جدا
thanxxx | 27/09/2007 05:07:00
Wooooow
Very nice Fayez I rely enjoy traveling with you plies send the other parts quickly thanks
| 27/09/2007 13:43:51
عبدالعزيز العلي
الله يعافيك اخوي بالنسبه للعمله الريال = 30 روبيه لو قريت الجزء الاول انا كاتب فيه معلومات مهم عن سيرلنكا
بالنسبه للبلد السكن والمواصلات رخيصه جد الفندق والفندق 5 نجوم بحدود 90 دولار لشخصين مع الفطور
اما عدد الايام اتوقع 12 يوم كفايه تلف كل المدن السياحيه في سيرلنكا
وفيه اماكن مازرتها سياحيه لان وقتنا كان محدود مثل مدينة بنتوتا على البحر وفيه غيرها
دجي
اقول احمد ربك ماصورت وجه راعي اليد والا كان ماكملت الرحله هههههههه
الجمال هناك بالماينص ترى
سليمان الذويخ
تسلم اخوي ويعطيك العافيه
الصراحه كلموني مجلتين اماراتيات وحده متخصصه بالسياحه لنشر الصور والتقارير والى الان ماصار شي
ابوتركي
يعطيك العافيه اخوي
نادر
شكرا لك والظاهر باخذ منك قيمة التذكره هههههه
رحلتي الى دمبولا Dambulla | 27/09/2007 17:19:56
مافيييش كلالالام
ولالالا احلى من هالتقرير
يعطيك العافية فايز
ننتظر باقي الاجزاء ياحلو (^_^)
روعه | 27/09/2007 19:38:03
الله يسلمك اخوي على التقرير الرائع
بس الله يهديك وش سويت بالدريول لوووووووول
شوي ويصدم فيكم ماتسوى عليكم والله
كل تقارير رحلاتك مميزه
ننتظر كاندي
شكر | 27/09/2007 21:40:13
رائع ... تصوير وتعليق ... شكرا لجهودك .. ونحن بأنتظار المزيد ... شكرا
رحلتي اللى دمبولا | 27/09/2007 23:29:41
ماشاء الله تباااااااارك الله
موضوع ولا اروع وصور تجنن
اعجتني صور الفيله وهي تتحمم ههههه
^_^ | 27/09/2007 23:49:41
وااااااااو
الصراحه طبيعه حلوهـ
ورحله احلى ورووعهـ
يعطيكم ربي العافيه
^_^
دمبولا | 28/09/2007 03:44:01
سرد رائع وتسلسل ممتع وصور جميله اخوي
متابعه كل رحلاتك واحتفظ فيها
دمت بود
سعوديه ونص..
شكرا | 28/09/2007 10:07:30
جزيتم خيرا على مشاركتكم المفيده
مشكورين | 28/09/2007 12:50:41
يابعدهم
منى
ابو ؤو الفقار
كيوت قيرل
ريما
سعوديه ونص وثلاث ارباع
يعطيكم العافيه وان شاء الله الاجزاء الباقيه تعجبكم
خيآآآآل | 28/09/2007 14:58:07
يسلموووو عالصور .. توقعت سيرلنكا حلوه بس مو لهدرجه .. مرهـ ثانيه بروح معكم <- -هع
استفسار | 28/09/2007 19:48:01
الأخ العزيز : أشكرك على المعلومات الرائعة
-بالنسبة الشركة السياحية التي تعاملت معها:
1-هل يوجد من يتكلم العربية عندهم؟
2-هل عندهم سائق مسلم يتكلم العربية؟
شكرا لك | 28/09/2007 20:13:25
جزاك الله خيراً على هذه المعلومات الرائعة لكن السؤال هل يوجد في سيرلنكا مطاعم أكلها حلال خالي من منتجات الخنزير والمشروبات الروحية ، لأن كثير من الأكلات يمزج فيها الويسكي وغيره
روووعه | 29/09/2007 04:02:05
شكلك هبلت في السواق
على العموم مناظر تهبل وتجنن خاصه مزارع ا اللي فيها بهارات
تهبل
الله يعطيكم العافيه
. . | 29/09/2007 10:38:03
محمد
تسلم اخوي ويعطيك العافيه
نور
الله يسلمك وسيرلنكا اجمل من كذا
زياد
نعم فيه سايقين يتكلمون عربي وبالنسبه للامان البلد امن لاتخاف
سوسو
الصراحه حنا ماناكل الا بالفندق او بمطاعم الفاست فود
حليوه
الله يعافيك ويسلمك
ياويلي وش ذا الزين | 30/09/2007 05:46:05
عمري ماتخيلت سيرلانكا بهاالجمال
شيء عجيب والله
رحلة والله روعة ومفيدة جدا
شكرا للاخ فايز وان شاء الله تفوز باحلى رحلات ..بس لاتنسانا........