هااااااااااااي قروب ..... شخباركم .. اكيد اشتقتوا لي
اليوم القصه اللي بقولها تضحك .....بصراحه يوم سمعتها مت عليها من الضحك
 
شخصيات القصه..
بو محمد : رجل بمعنى الكلمه بس فيه عيب مخرب عليه..... دايييييييييم ينسى يعني نسااااي
ام محمد: زوجة بو محمد
محمد : ولد بو محمد وام محمد
ام محمد : بو محمد ...بووووووووو محمد..... وش تبي غداك اليوم
بو محمد : ياليت تطبخين لنا اليوم كبسة لحم من زمان ما كلنا لحم
ام محمد : ما عندنا لحم ما فيه الا دجاج و سمك وربيان .. اللحم خلص
بو محمد : يوووووووووه زهقنا من الدجاج ... طيب خلاص اليوم بشتري خروف و بوديه المسلخ واجيب لحم .... خلاص اليوم طبخي دجاج....امرنا لله
راح بو محمد العمل وام محمد راحت المطبخ تطبخ الغداء
رجع بو محمد من الشغل وتغدى وراح ينام مثل كل يوم......بعد ما قعد من النوم قالت له ام محمد : بو محمد ما جبت اللحم
قال لها .. بكره انشالله اجيبه
صاروا على هالحاله اسبوع .... ام محمد تحن عليه وتزن فوق راسه انه يروح يشتري خروف و يوديه المسلخ وهو كالعاده ينسى ولا يتذكر الا في اخر اليوم
زهقت ام محمد من كثر ما تحن .. وهونت قالت خلاص ماراح اقوله .. اذا وده باللحم يروح يشتري
بعد ما مر اسبوع ..
يوم من الايام طلع بو محمد من الدوام بدري .... وهو راجع للبيت تذكر اللحم قال خلاص امر سوق الغنم واشتري خروف .... وافاجئ ام محمد
مر سوق الغنم .. وينزل ويختار له ذاك الخروف .. ويحطه بالشنطه .. ورى السياره بالشنطه
المهم .. وهو في طريقه للمسلخ عشان يذبح الخروف تذكر مشوار ضروري لازم يسويه....... ولانه دايم ينسى وهو عارف هذا الشئ قال لازم .. اسوي هذا المشوار قبل لا انسى والخروف ماراح اتأخر عليه كلها نص ساعه بالكثير
المهم ... راح للمشوار حقه والخروف بشنطة السياره طبعا .... وخلص شغله و ركب السياره وراح البيت ...... يعني نسى الخروف
كمل يومه كله بالبيت ويوم ثاني راح للعمل واول ما ركب السياره............شم ريحه
بس طبعا ما تذكر انه حاط خروف بالسياره .... وراح الدوام ... ورجع من الدوام وهو كل ما ركب السياره يشم الريحه بس ما يعرف من ايش
المهم بعد يومين
ام محمد : بو محمد صار لي اسبوعين وانا اقولك عن الخروف
في ذيك اللحظه تذكر بو محمد الخروف اللي شراه ونساه في شنطة السياره
وراح يركض لسيارته و يفتح الشنطه ويشووووووووووووووووف .............الخروف ميت ومتعفن ومنتفخ
 
مسكين بو محمد ......... عايش حياته بعذاب مع هالنسيان
الله يكون بعونه