صور: الحب علمها السكوت .. والحب علمني الكلام

الرئيسية20092009/02 » صور: الحب علمها السكوت .. والحب علمني الكلام

بإسمك صرخت وصابني نشوة الزار
وشلون اخبي الحب واكتم شعوري

عاشو عاشو عاشو
ياشينها لامسكت معك غلط
:
الموهم
السلام عليكم ورحمة الله وبركاته ..
صبحهم / مسهم بالخيرات والمسرات
يالله أنك تحيي كل واحدن/وحدتن بإسمهـ/ـا
وشحتوني يالشيون ..
,
ألف ألف مبروكـ دمج قروب ليل السهارى مع قروب ابو نواف
ودام أننا بقيادة الأستاذ سعد الخضيري فـ أبشركم نحن في أيدي أمينه
وشفنا وبنشوف إبداعات أكثر وأكثر فالأيام المقبلة إن شاء الله
,
على طاري المقبلة .. ألف مبروك فوز الزعيم وإن شاء الله البطولة المقبلة هلالية
,
وعلى طاري مبروك .. نقول مبروك وألف مبروك للناجحين وهارد لك للي حاملين مواد ..
علىا طاري الحمل والزواج والطلاق .. والمسيار اهم شي ههههه << لازم يدخله فكلش
يقول لك فيه وحده تقول لزوجها : ماقد قلت لي كلمة تحسسني صدز أني زوجتك ..
قال: روحي أنتي طالق خخخخ
إلا شخبار الغبار معكم ذاليومين؟
بيتنا أنواع العطاس .. كل اللي فيه أنواع الحساسيه هههههه
ماغير نمشي بالكلينكس
وعلى طاري الكلينكس .. وش ذالإجازة اللي طارت بسرعه وقسماً حتى حسوفة عليها إسم إجازة ماتسوى هههههه
يعني لو أنها أسبوعين يمكن تكفي الواحد يفخت للخبر وماحولها
وأقصد بـ (ماحولها) = الدمام والظهران وكلن على همه سرىا ..!
يا أني مشتاق للراشد << لسان حال أهل الرياض مايدرون أنهم فتحوا مجمع الظهران هع هع
أصلاً جسر البحرين ذاليومين يجيب المرض أنواع الزحمة والقرف
تكرهـ عمركـ وأنت ماسكـ سرا ..
يعني قصدي اذا معك عوايل أنواع التكتيم
بس اذا مع اخوياكـ بالعكس سوالف وسعة صدر ههههههههه
ماودي أكمل حتسي فالمقدمة البثرة عشان ما أكب عفشي بنفسي ههههههه

نروح للفقرات ويارب تكون تعويض عن القطعة فالفترة اللي راحت .. وتحوز على رضاكم وتنال ذائقتكم يالمخيسين <عادي ميانه

<= فيس واحد يقول يارب ماتصير فيه فقرة مكررهـ مثل المرهـ اللي راحت




][ مدخ ـل ][
أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..






][ السعوديون والحوادث ][
ما يمر فينا يوم أو يومين إلا لازم نشوف قدامنا حادث ..
زادت نسب الحوادث عندنا بشكل كبير بسبب السرعة والتهور ... ألخ
الموهم هو اللي بعد الحادث , تجمعات الناس للمشاهدة وليس للمساعدة ..
يحصل فيها كثيراً تأخير لإسعاف المصابين, وتعطيل حركة السير..
مو بسبب الحادث نفسه, بل بسبب الفئة التي يطلق عليهم في علم السيكلوجيا الديموسعودية:
(الملاقيف)

,


سيارة المرور ماسكه اليسار متجهة للحادث ولسان حالها يقول: (جاكم المرور وخرّ عن طريقه)


صورة توضح الحادث وبقية الملاقيف حوله


صورة مقربة للملاقيف , ألحين بنستلمهم واحد واحد


أبو الشباب مروّق ع الآخر, مويه وزقارة معد بقىا إلا نجيب له كوب شاهي ونطقهّا بلوت معه خخخخ


ذالدب أحد لاعبن عليه وقايل له ترى فيه عشا ههههه


الباكستاني: إيش هازا سديق؟
الهندي: الزاهر أنو هادث شنيع ..!
السعودي: أقول لايكثر أنت وياهـ..! <= سعودي


سوّاق ضايع ..!
أنتم قولولي وش يسوي؟


طالع من مطرسة الجوهري أبو الشباب..!


أحس أن ذاللي ع اليمين مدرس جاي يحلل الحادث ..
س + ص = 1
والشايب هيّن مليون فالميه مضيّع ..


من يقول صراويلنا مهيب مخفسه ومشققه؟!

××
×

داري فيه أحد بيقول أنت ملقوف جاي تصوّر ,
بقول له أنا جاي بصوّر وأنصح (ولو أنه بأسلوب ساخر)
ماجيت أصور وأتبيثر عند عيال عمّي وأقول ماشفتوا الحادث اللي أمس على طريق الدائري , أنا أول من وصل له وشفته يصبصب دمامين وععع <= دام أنه وععع وش وقفك أجل خخخخ
.
مايستفاد:
يرحم أبوكم كفاكم لقافة وتعطيلاً للمرور والإسعاف , ساعدوهم أو طسوا لشغلكم ..
,
في إنتظار تعليقاتكم هونا



][ الحكه في غير وقتها ][
كثيراً ما تصادفنا لحظات من الفهاوة ونسيان الذات في أماكن يجب أن نكون مصحصحين فيها أكثر شي فالعالم
لكن جلّ من لاينسىا ..!

ولكن أن تبلغ الفهاوة مبلغها وتؤدي بك إلى التحكحك قدام العالم وإظهار مايجب أن يخفى في غير غرفة نومك وحمّامك ..
هنا تكون الطامة الكبرىا..!
وحينما تتحكحك وتتجه أنظار المحيطين بك إليك , وتبحث عن ماتخفيه أنت .. !
هل هو أبيض أم (فوشي).؟!
هل هو جديد ولا (مشقق).؟!
فإنك قد وضعت نفسك في مأزق عميق يصعب عليك الخروج منه , وخاصة حينما تكون أضواء الفلاشات متجهة إليك ..!

كان لنا في هذا المكان تلك الصيدة السهلة ..!





أكاد أبصم بالعشرة أنه أنزل يدهـ إلى الأسفل , ولكن لم تسعفني كامرتي لإصطياد تلكـ اللقطة , وإكتفيت بهذهـ
يد في الظهر ويد في الخشم .. أكتملت عملية التنقيب عن النفط هههههههههه

<= الله يحوّم تسبدك يابدر ..

(نصيحة أخوية)
لاعمرّك تتحكحك في الشارع, تذكر دائماً أن هناك أناساً حولك لا شغلة لهم إلا تصوير كل ما يخالف الطبيعة ..

هذهـ الفقرة كانت برعاية : مناديل سمايل



][ فاص ـل ][
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا





][ بني بنقال ][
فتحت مرتن من المرات موقع البحث الشهير قوقل
كتبت:
(بنقالي يسرق)
وطلعت لي عشرات الصفحات
(بنقالي يقتل)
وطلعت لي عشرات الصفحات
(بنقالي يذبح)
وطلعت لي عشرات الصفحات
(بنقالي ينتقم)
وطلعت لي عشرات الصفحات
/
صارت الجرائم أغلبها متعلقة في شعب بني بنقال الموقرين
خذوا دقيقة من وقتكم ألحين وجربوا .. أكتبوا أي جمله فيها بنقالي وأختاروا أي جريمة تخطر على بالكم بعدها ..
بتطلع لكم عشرات الصفحات وعشرات الجرائم.. وماخفي كان أعظم..

/
/

في أحد المقاطع المنتشرة .. سعودي يصفق بنقالي كفوف ويقول له: ليش تسرق الجنوط؟؟
البنقالي يرد عليه: أنا معلوم أنتا يضرب أنا, ويودي شرطه .. بس أنا مسلم ..!
السعودي: شلون مسلم وتسرق؟

صار الإسلام حجة لمن لا حجة له..!
يسرقون بلا ضمير ويقولون مسلمون..!
يقتلون بقلوب ضعيفة ويقولون مسلمون..!
يذبحون بدوافع وحشية ويقولون مسلمون..!
ينحرون بدماء باردة ويقولون مسلمون..!
ينشرون في الأرض الفساد ويقولون مسلمون..!

/
/

تحت عنوان:
وزارة الصحة تستقدم آلاف الأطباء من بنجلاديش
دقت نواقيس الخطر علينا .. وإبتدأت ساعة الرعب من القادم ..
ليتك يا سعادة السفير: عبدالله البصيري , تعلم مايكون خلف هذا القرار الجريء والخاطئ..!
ليتك ياعبدالله البصيري حسبت لهذا القرار ألف حساب قبل أن تقررهـ..!
ليتك ياعبدالله البصيري تعلم أنك مخطئ ..!
وليتك ياوزير الصحة (السابق) .. تعلم بأنك خطوت خطوة ستكون سبباً لجرائم كثيرة سـ تحدث لـ أحبابك/أقرباءك/أصدقاءك/أبناء شعبك..

هل لو كانت نورا إبنتك .. سـ تـُقدِم على مثل هذا القرار؟؟



نورا ياسعادة الوزير/ وياسعادة السفير ..
هي تلك الطفلة البريئة التي لم تذق طعم الحياة بعد
نورا هي تلك الطفلة التي أزهقت روحها وليس لها ذنب
نورا هي التي لم تعرف معنى العداوة والجريمة
نورا هي التي قُتلت إنتقاماً .. بأيدي أحد عمالتك البنقاليه أصحاب الدم البارد الذين قررت أن تضعهم كـ أطباء علينا .. ونكلـّت بالفأس في وجهها ..!
هل لو كانت نورا إبنتك .. سـ تـُقدِم على مثل هذا القرار يا سعادة الوزير/ وياسعادة السفير؟؟

أملنا الوحيد في سعادة الوزير الجديد .. الدكتور عبدالله الربيعة, في أن يصلح ما فعله من سبقوهـ..

لا أريد أن أدخل المستشفى بألم في رأسي, وأخرج فاقداً معدتي وإحدى كليتاي ومبتور القدمين ..!
وأعتقد أن كل من يريد أن يعيش سليماً .. يوافقونني نفس الرأي ..

/
/

ملاحظة:
رسالتي موجهة ضد شعب بني بنقال بالخصوص
ليس كلهم .. إنما إن كان أغلبهم فاسد .. فـ ضررهم أكبر من نفعهم..!
يوجد غيرهم من جنسيات مختلفة يستطيعوا أن يعالجونا ..
والحكومة ماقصرت .. دعمت الصحة ودعمت التعليم ودعمت كل المجالات.. بمبالغ ضخمة
لكن .. !
(البنقالي أرخص .. وحياتنا صارت أرخص)

والرسالة بعيدة كل البعد عن بقية الجنسيات الوافدة التي نحترمهم ونقدرهم ونشكرهم كل الشكر.. لكل مافعلوهـ لأجلنا ..

(تعليقاتكم)

.





][ مـ خ ـرج ][
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا







في آلختآم .. أشكركم على متابعة الموضوع للأخير ...
وأتمنىآ آن يحوز على رضآكم وينآل ذآئقتكم كل آبوٍكم ..

سبحانك اللهم وبحمدك , أشهد ألا إله إلا أنت , أستغفرك وأتوب إليك

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

كتبه وأملاهـ / باء نقطه شين
بدر.الشوق
وفي روآية / أبو س ـعد


للتواصل
b.s9@hotmail.com


سلآم

 

تابعوا جديد شبكة أبو نواف على:

التعليقات

  • 1
    راما (زائر)

    مشكله اللقافه بالحوادث شنيعه .. بس مااحس ان الصورتين الاخيره لها داعي .. قضاء الحاجه بالخلاء امر وارد الحدوث ..

  • 2
    جمانة (زائر)

    ب نقطة شين يااااخوي ياخوفي يجي يوم والقى صور اخواني وتحتها تعليق منك ماانت مخلي احد بحاله:D بس الحمدلله اننا محجبات ولا كان علوم انا اقرأ مواضيعك وانتظرها دوم بس وش فيك اليوم طولت علينا وبالأخير حاط دوبك ودوب ذا الملاقيف وانا ادور اخوي معهم الحمدلله ماطلع يالله من يوم يجيني بريد من القروب ادور اذا لك موضوع قرأته اول شي استمر في عطائك الحلووووووووو تقبل تعليقي بصدر ررررررحب سلاااااااااااااام

  • 3
    صورة فرح

    والله كنت طفشااااااااااااااااااانه مرة بس قريت موضوعك حدي انبسطت وتغيرة نفسيتي شكرا وننتظر جديدك تقبل مروري فــــــــرح

  • هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه هههههههههههههههههههههههههههههههههه آخر صوره هههههههههههههههههههههههههههههههههههههههههه منتاب صاحي قسم بالله شكلك لاف الكاميرا بشطرطون على يدك تمشي وتشكشك بهالعالم الله من واحد ما عاد به منغّف عند الاشاره خوفا من كاميرتك اخسك المولى لا تقاطع ولا مديور ولا لفه يمين هاهاهاهاهاها

  • اسلوبك حلو... ويوسع الصدر.. وإن شاءالله نشوف مواضيع حلوه ... بس فيه شي مهم لكل شخص خصوصيه وحياته لا تنتهكها لا تتجسس على احد __ خصوصا اخر صوره من جد مالها داعي __ يسلمو

  • ههههههههههههههههههههه أهنيك يا شنب على هالاسلوب الراقي وبالنسبه للحادث والاشكال اللي تتجمع عندها لا بد منها لأني ما اتخيل الحادث بدون الجمهره اللي تصير لكن يا بعد تسبدي أنت ما خليت احد الا ولطشتله صورة لكن الظاهر لي ما قد اندبجت من احد اثناء التقاط الصور ههههههه عالعموم بالنسبة لأخر صورة هذي واحد مصورها اجنبي ونزلها بموقع اجنبي وقال هذي من ما رايته في السعوديه من سيااحه هههههههههههه فضحنا الحماار >> عالعموم الله يوفقك يا بعدي والى اللقاء وتقبل هذرتي ..

  • 7
    الانتظار (زائر)

    انت شايفك اسلوبك نقد ولكن بسخرية لكن انا اشوف غير كذا استهزاء !! والأشخاص اللي في الموضوع كسبوا حسناتك يعني فين النقد الصح في الموضوع كله استهزاء وممكن تكون مكان واحد فيهم في احد الايام ::لاتهزأ بأخيك وتزدريه فيعافيه الله ويبتليك:: وشئ ثاني كيف تحط صور غير لائقة ابدا ابدا ابدا (الصورتين الاخيرة)؟؟؟ استغفر الله الذي لا اله الا هو واتوب اليه

  • 8
    نجد (زائر)

    الصورة الاخير غير لاااااااائقة ابدا ولا يجوز تفضح الناس مهما كان هذا غير ان وجهه واضح وحتى لو لم يكن واضح يعتبر تشهير هذه الملاحظة الاولى اما اثانية فصور ة السواق لماذا لم تظلل مثل البقية الا يعد انسان شكرا لك

  • 9
    عبدالمجيد (زائر)

    قسم بالله مالك داعي وش هالصوره الي حاطها آخر شئ !!!! المشكله ببداية الموضوع تتكلم عن اللقافه واللقافه بتصويرك للناس أجل واحد يقضي حاجته تصوره !!!!!!! اتق الله واستح على وجهك والله العظيم عيب !

  • تستهل مائة صفقة:$ صراحة ابدعت.... وياويل كمرتك من الناس هههههههههه توبة كل حركة بانتباه... وبانسبة للحوادث ياريت العالم تبطل العادة هذى من التجمهر والله لو يصدرو قرار بالتجمهر لكل سيارة واقفة مخالفة فورية ....ماتشوف ولا بن امه....لا وبعد نازل وخايف يتفرج في الحادث ..والله العالم ينزلو علشان يعرفو وش السيارة والله الرجال الله يرحمه.... قهر

  • 11
    الرمح (زائر)

    السلام عليكم ورحمة الله وبركاته موضوع جدا شيق وجريء وجهد تشكر علية . ولكن لي ملاحظة بسيطة وهي عند تصويرك للشخص اللي اكرمك الله يبول للأسف تصرف منك خاطي بقيامك بتصويرة ونقطة تحسب ضدك ، ابدي العذر للرجل ممكن هالشايب المسكين مريض سكر لازم يبول يااخي توقع الرسالة وصلت لمشتركة في القروب هلى ترضاه . على العموم كل الشكر والتقدير لموضوعك الجيد وفقك الله . :)

  • بدر الشوق انت كاميرا يشيل انتا كله مكان !!B انا خووووف انتا يجي بتها ( بطحاء يعني ) يشوف كله نفرات تئت كوبري ... والله مصيبة كبير انت يصور يلله سلام يا اهلى موضوع

  • 13
    شــــــــقاوي (زائر)

    :D:$ههههههههههههههههههههههههههههه مقال رائع جدا واكثر من رائع ايضا واكثر شي عجبني موضوع بني بنقال والله صاروا آفة على بلدنا الآمن وكثرت جرائمهم ومصائبهم لا وبعد يستقدمون من بنجلادش اطباء والله البنقالي مايعرف المستشفيات اصلا لكن نتمنى من الوزير الجديد النظر في هذا الموضوع وشــــــــــكرا

  • 14
    بلال (زائر)

    يا اخي للناس خصوصيات وانت يعني عندك كاميرا ماسك لي هالعالم تصوير

  • 15
    nasa (زائر)

    الحقيقه انك مبدع اسلوب راقي ومواضيع متنوعه وشيقه وكلمات تلقائيه 000 اتمنى لك التوفيق

  • اخوي الفاضل مقال رائع ,, لكن انت شخص بصرااااااااااحه ملقوف وخاصة بالصورة الآخيرة ما ادري كيف سمحة لك كرامتك تصورها

  • 17
    بخيتـه القرداحي (زائر)

    سلامون عليكم ياخي وش ذااا ؟؟ صدز انك مبدع ماشاءالله عليك حتى الشق اللي في الصروال ماخليته في حاله :D هههههههههههههه بس الصدز عندك كاميره قويــه صراحه تجيب كلش <<هابلتها الكاميره ههههه يالله نشوفك في مواضيعك الجايه سلام

  • هههههههههههههاي الله يقطع ابليسك مااكثر من لقافتك انت والله بس من جد ونستني بقوووووه الله يونسك بالعافيه

  • 19
    أسووم (زائر)

    أسلوب ساااااخر جدا،زادك الله إبداعا

  • 20
    فوضوي (زائر)

    السلام عليكم .. موضوع شيق أخوي بدر .. من المؤيدين لعدم تكرار الصورتين الأخيرة :) لكن أختلف في الأسلوب .. كما احب أن أذكر رأيي في موضوع الأطباء البنقاليين .. لا أتوقع أن يكونوا بنفس سوء العمالة الموجودين الآن .. طبيب معناه رجل متعلم .. وهذا هو الفرق بينه وبين غيره من العمالة .. لن نجد بإذن الله طبيب بنقالي يسرق ! لكن قد نجد يقتل خطأً هذا ممكن .. وجهة نظر وتقبلوها :)

  • 21
    عاشق المقنا ص (زائر)

    السلام عليكم فعلا عندنا ظاهره سيئه جدا وهي التجمهر اثناء الحادث يعني تصور لو هو حادث دقشه بالرفرف تحصل كلن عض ثوبه ورفع صرواله ومن سبق لبق ولعلمك اخوي انا الصراويل المشار لها بالصوره دليل ذالك اما الصورتين الاخيرتين ارجو عدم تكراره وبنتظار جديدك ؟ ولك الشكررررررر

  • 22
    الباحة (زائر)

    هههههههههههههههههههههههههه ههههههههههههههههههههههههههههههههههه هههههههههههههههههه والله منتب صاحي .. الحين في بداية الموضوع تقول اللقافة وما اللقافة وفي النهاية طلعت انت الملقوووف هههههههههههههههه موضوع شيق وننتظر جديدك يابطل

  • السلام عليكم ورحمة الله وبركاته أولآ آشكر جميع الآعضآء الكرآم علىآ تفآعلهم ثآنيآ الآختلآف في الرآي لآيفسد للود قضية لدي تنويه بالنسبة للصورة الآخيره.. لست أنا من صورهآ ولكنهآ آعجبتني ووضعتهآ بتعليق طريف.. القصد منه ليس سوآ رسم الآبتسآمه لآ الآستهزآء ولآ التشهير كمآ يزعم البعض..! اخوي نجد ماشاء الله عليك وش ذالعين اللي ميزت بوهة ذالرجال وحنا ماشفنا من ملامحه الا ان له لحيه؟؟ لو بتتكلم عن الغلط تكلم عن تبوله وهو واقف طيب؟ (وانتم بكرآمه)..! وآخوي خآلد وش دخل الصورة فالكرآمه لو فرضآ انا مصورها ههههه.؟؟ نفر سعودي خلك صديقي بس هههههه بخيته اذكري الله عينتس حاره شكلها هع هع جمانه قولي لأخوانتس لايطلعون واجد فالحر هع هع موسعن صدرهـ .. ياجعل هالضحكه دآيمه يآخآيس <بينط لي واحد يقول لي عيب وآستح .. ترآهـ صديقي وآمون عليه ..!!!!! موسعن صدرك خوفي آطلع مآعندي كرآمه إن ذبيت فيكـ ثآنيه , وخر اجل..!! وتعليقي الآخير بشآن آخر صورتين .. ربمآ وجهة نظر بعض الآشخآص الآعزآء آنهآ (عيب..!) .. لكن لآيمنع آنك تعلق على بقية الفقرآت ..آو تقدر بقية الجهد .. وجلّ من لآ يخطئ؟؟ (ولو فرضآ آن الصورتين كآنت خطأ) ..!! وآخوي فوضوي .. شكرآ لطرح وجهة نظركـ .. آتقبلهآ برحآبة صدر عزيزي.. عآشق المقنآص .. شكرآ لمشآركتك .. وصدقت في سآلفة (كلن يعض ثوبه) بلآل .. إن شآء الله طآل عمركـ .. آلمرهـ آلجآيه بخلي الكآم فآلبيت ..! بقية الآعضآء الكرآم .. شكرآ لمروركم,آسعدتني ردودكم كثيرآ نآيف .. لو يحطون ألف قانون ماحولك احد هنا ..!! آستآذ عبدالمجيد,آحترم وجهة نظرك,تقبل وجهة نظري..! آستآذ فآرس .. برضو وجهة نظر آحترمهآ وآقدرهآ .. بس آني آشوف (وبشهآدة آعضآء كثيرين) آن هالنقد هآدف آن لم يكن كله فـ آغلبه .. تشوف مشاركات وردود وحلول وتوجيهات .. وهذآ هدفي من الفقرهـ وطرحها .. إن شآء الله القآدم مذهل آكثر .. وآتقبل كل وجهآت النظر والآنتقآدآت برحآبة صدر,وآلزم مآ علي رسم الآبتسآمه على شفآهكم / وآلخروج من آلرسآلة بأكبر فآئدة ممكنه .. تحيآتي وآشوآقي للجميع رآمآ جمآنه فرح موسعن صدرهـ توتهـ فآرس الإنتظآرٍ نجد عبدالمجيد نآيف الرمح نفر سعودي شقآوي بلآل نآسآ خآلد بخيته قردآحي بنت آبوهآ آسوم فوضوي عآشق المقنآص (بآقة ورود) في آلختآم آعذرونآ فإن آصبنآ فمن الله,وآن آخطآت فمن نفسي وآلشيطآن .. شكرآ لكم كتبه وحررهـ/على سريره آلمخملي: -(بدر الشوق)-

  • 24
    رعبوبه (زائر)

    السلام عليكم صباح الخير اخ بدر .. انا متابعة لمواضيعك الرائعه .. وان اختلفت معك في بعض فقراتها فالاختلاف وارد بالنسبة للبنقال الله يعينا بس ولايحدنا عليهم .. الواحد ماوده يروح للمستشفى يدخل مافيه شي ويطلع وكل الامراض فيه ..!! والبنقال معروفين باعلى نسبة اجرام حتى لو كنت شايف برنامج 99 يقول بنقالي بنفسه البنقالي مجرم وصخ كل شي سوي ( وشهد شاهد من اهله ) وللاسف اشعر بان المستشفيات في حالة تدهور .. فالاخطاء الطبية كثرت .. والتهاون في حياة الناس شي عادي يعطيك العافية واتمنى منك في جديدك ان تضع صور راقية فانت شخص راقي 8)

  • 25
    آرآوووي (زائر)

    ههههههههـ قصصمن قصصمآت ان الموضوعـ ششي اقول يالمخيس مدآم آنك تمشي وتلقط وراك مالقطت لنا زيوون >> منااك بسس ربي يديك آلف عاافيه يااحنو مااننرحم منك ولا من خراابيطك >> كفففففف

  • 27
    ..Dream (زائر)

    ههههههههههههههههههههههههههههههههههههههههههههههههههههههههههههههههههههه وربي فآآآصل..B آهنيييييييك ع عآلآلتقآطآت آلخطييييييره .. وآلتعليق آلآرووع ..8) بهع حبيت آلملآقيف :$

  • 28
    قروبي ابو نواف (زائر)

    وووآآآآآآآآآآخزياااااااااااااااااااااه بس ؟؟ وش هالصوورر ؟؟؟ مالها داااعي ابد بصرااحة ... يعني يوم انك تمشي وتصور تتوقع اللي تصورهم يسمحون لك تنشر صورهم .. حتى لو مغطي ع الوجه .. تخيل نفسك مكانه ؟؟ وبعدين اخر صورتين .. بصرااحة لاتعلييق ؟؟ يعني بتقول لي ماعمرك رحت للبر ؟؟ حتى لو انك مو انت مصورهاا ماله داعي تنشرهاا .. .. ارجوو تقبل النقد وجهة النظر برحابة صدر سبحانك اللهم وبحمدك اشهد ان لااله الا انت استغفرك واتوب اليك..

  • 29
    انوثتي هزت رجولتك (زائر)

    رائع واكثر من رائع

  • 30
    اااايكوووو (زائر)

    هههههههههه صتس انك فااااضي انت وذالبنقاالي:$ دوووم ان شالله خفت هالدم:)

  • حلووووووووووووو بس من جد فطست من الضحك عليهم يسلمووووووووووووووووو ع الايادي يالبي

  • 32
    mo0on (زائر)

    تعليقا على التجمع عند الحوادث فالله لا يرينا مكروه في من نحب لو كان اخوه او ابوه كان صار يرمي الناس ويترجاهم يمشون عشان توصل الاسعاف لكن في الناس يتفرجون كانهم يشوفون فلم ممتع حسبنا الله ونعم الوكيل تخلف وهمجيه اما وزير الصحه والبنقاليه فالله يهديهم والله املنا كبير في الربيعه الله يوفقهم ويسنع مستشفياتنا ولو بشي بسيط اما الصورتين الاخيره فتمنيت لو انك لم تنشرها فانت ونحن ارقى من ان نتابع صورا كهذه دائما متألق بدر الشوق رسائلك لها عندي من الاولوليه

  • 33
    الهنوف (زائر)

    أي والله ذا الملقف ..يجتمعون على أي شي<<الله يصلحهم والبنقاليه جعلهم مايتولوناوربي يصرفهم عن مستشفياتنا<<والله ترحم هالبينه....حسبي الله عليهم بدر الشوق سلمت يمناك على موضوعك الرائع وتعليقاتك الأروع وخاصة المقدمه......ماشاء الله عليك وتصويرك روعه والله يوسع صدرك بالعافيه ويبعد عنك كل مكروه وبانتظار إبدعاتك

  • 34
    نونآ (زائر)

    بصراحه موضوعك ولا ارووع منه انبسطت فيه حيل ووسعت صدرري لاهنت يالغالي وربي يعطيك الف عافيه عالصيداات الخطيييرهـ :D

  • 35
    ودتـــس آنتس آنآ (زائر)

    موضوعك فللللللللللللللللللته :D وكل موضوع كويس ولآفيه ولآملآحظه هع :$ كل آبو دآيم كثّر لنآ من هآلموآضيع آلفلته يآطلدزه آنت 8)

  • 36
    صورة Saad

    السلام عليكم ياخي العزيز انت بدال ماتصورهم وتفضحهم وقف الله لايهينك وانصحه حتى لو انه ماتقبل انت سويت اللي عليك اما انك تنزل صورته وتفضحه الله مايرضا بشي ذا تقبل مروري

  • 37
    شو هيدآالحتسي (زائر)

    ههههههههههههههههههههه أضحك الله سنك يآراجل..مبدع كالعاده .. يعطيك العافيه ..ومآقصرت.. بس الصوره الاخيره ماتصلح والله.. لان الرسول قال :( من ستر على مسلم ستر الله عليه يوم القيامه). تقبل تعليقي اختك: شو هيدآ الحتسي :D

  • 38
    COco (زائر)

    B يقلع آو بليس اللي هيك هذا جزآه يوسع صدورنآ وانتم الله يهديكم تقولون تسذآ يا ناس سؤال بس آسألكم يالله لويمرّ جنبكم رآعي الصورة الآخيرة وهو بوضع طبيعي ~> يعني يدينه منسدلة :D بتعرفون ان هذا هو اللي صورة بدر الله يرج آبآليسكم الرجآل مصور الحركة ما شهّر به و حط وجهه ../ بــدر لا فضّ فوك يا الشين ~> تمون توهآ مدآفعه عنّك :$ آعجبتني فقرة البقآليين من جدّ الله يعيننآ لو تمّ هالشي سي يا

  • تطوير: SharedTech